ភ្នំពេញ ៖ រថយន្តទំនើប មួយគ្រឿង ម៉ាក RANAGE ROVER ដែលបើកបរក្នុងល្បឿន លឿន ក៏ជ្រុលទៅបុកពីរថយន្តមួយគ្រឿងដែលដឹកសំរាមរបស់ក្រុមហ៊ុនស៊ិនទ្រីពីក្រោយយ៉ាងពេញទំហឹងខណៈដែលកំពុងរថយន្តទាំងពីរបើកស្របទិសគ្នា។ ហេតុការណ៏នេះកើតឡើងកាលពីវេលាម៉ោង១ រំលងអធ្រាត្រឈានចូលថ្ងៃទី៣០ ខែមេសា ឆ្នាំ ២០១៤ តាមបណ្តោយផ្លូវព្រះស៊ីសុវត្ត ស្ថិតនៅក្នុងសង្កាត់ចតុមុខ ខណ្ឌដូនពេញ។
នៅក្នុងហេតុការណ៏នេះបានបណ្តាលឱ្យរថយន្តRANGE ROVERពណ៌ទឹកប្រាក់ ដែលពាក់ស្លាកលេខភ្នំពេញ 2W-9612 ជិះគ្នា៤នាក់(ស្រី២-ប្រុស២) ធ្វើដំណើរក្នុងទិសដៅពីលិចទៅកើតតាមបណ្តោយផ្លូវព្រះស៊ីសុវត្ត ស្រាប់តែមកដល់មុខព្រះអង្គដងកើ ដោយរថយន្តនេះបានបើកបរក្នុងល្បឿនលឿនពេក ក៏ជ្រុលទៅបុកនិងរថយន្តដឹកសំរាមរបស់ក្រុមហ៊ុន ស៊ីនទ្រី ពីក្រោយពេញទំហឹងធ្វើឲ្យរថយន្តRANGE ROVER ខ្ទេចមួយកំណាត់មុខប៉ុន្តែពុំមានមនុស្សរងរបួសក្នុងហេតុការណ៏គ្រោះថ្នាក់ខាងលើនេះទេ ។
ក្រោយពេលកើតហេតុសមត្ថកិច្ចមូលដ្ធាន បានចុះមកដល់កន្លែងកើតហេតុនិងប្រគល់គ្រោះថ្នាក់ចរាចរណ៏នេះ ត្រូវបានសមត្ថកិច្ចយកទៅរក្សាទុកនៅ ការិយាល័យចរាចរណ៏ផ្លូវគោកស្នងការនគរបាលរាជធានីភ្នំពេញ ដើម្បីដោះស្រាយគ្នាទៅតាមផ្លូវច្បាប់ ៕
