កំពង់ស្ពឺ=ក្រោយពីទទួលដំណឹងថាសម្តេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជា បានប្រកាសលុបចោល ការយកលុយពី អ្នកធ្វើដំណើរតាមរថយន្តឆ្លងកាតផ្លូវជាតិលេខ៤ចាប់ពីម៉ោង១ យប់ថ្ងៃទី១៣ខែមករានេះតទៅ ដោយបាន ដកហូតសិទ្ធិពីក្រុមហ៊ុនAZមកគ្រប់គ្រងវិញ។បងប្អូនជាម្ចាស់រថយន្តតាត់ស៊ី លោក កឹម សិទ្ធ ជាម្ចាស់រថយន្តតូរីសបានសម្តែងក្តីត្រេកអរ រួមទាំងម្ចាស់រថយន្តផ្សេងទៀតក៏បានថ្លែនៅការសារទរដឹងគុណចំពោះការដឹកនាំរបស់រាជរដ្ឋាភិបាល ។ក្នុងពួកគាត់បាននិយាយថា សម្តេចនាយករដ្ឋមន្ត្រី បានគិតគូរយ៉ាងយកចិត្តទុកដាក់ដល់ការរស់នៅជាពិសេសភាពក្រីក្ររបស់ពួកគាត់ ។ហើយក្នុងនាមពួកគាត់ជាប្រជាពលរដ្ឋក្នុងខេត្តកំពង់ស្ពឺ ដែលបានប្រើប្រាស់ផ្លូវជាតិលេខ៤ច្រើនជាងគេសូមកោតសសើរចំពោះការដោះស្រាយបញ្ហាលើការបង់ប្រាក់នេះ ។ដែលជាញឹកញាប់កន្លងមកបងប្អូនជាអ្នករកស៊ីអាស្រយ័ផ្លូវនេះក៏មានថ្នាក់ថ្នាំងចិត្តចំពោះរឿងនេះ តែពេលបានសម្តេចលោកបានដោះស្រាយប្រកបដោយភាពឈ្លាសវៃ និងស្របតាមជីវភាពជាក់ស្តែងរបស់ប្រជាពលរដ្ឋ ហើយនេះគឺជាដំណឹងដ៏ល្អមួយសម្រាប់ប្រជាពលរដ្ឋនៅទូទាំងប្រទេសដែលត្រូវឆ្លងកាត់ផ្លូវជាតិលេខ ដោយមិនត្រូវចំណាយក្នុងការបង់ប្រាក់ទៀតទេ។
ការសម្រេចលុបចោលរបស់ ប្រមុខរាជរដ្ឋាភិបាលធ្វើឡើង ក្នុងសម័យប្រជុំ ពេញអង្គរបស់រដ្ឋសភា និងបន្ទាប់ ពីការមានការស្នើសុំពីលោក ស៊ុន ឆៃ អ្នកតំណាងរាស្ត្រគណបក្សសង្គ្រោះជាតិ។
សម្តេចតេជោ ហ៊ុន សែន បញ្ជាក់ថា «ខ្ញុំសូមអបអរសាទរ កោតសសើរលើសេចក្តីព្រាងច្បាប់ថ្ងៃនេះ។ អ្វីដែលខ្ញុំចង់និយាយនៅក្នុងអង្គប្រជុំសភាថ្ងៃនេះ និងការសម្រេចចិត្តដ៏សំខាន់ មួយ ទាក់ទងជាមួយផ្លូវ ជាតិលេខ៤តែម្តង ។ ពិតមែនតែសេចក្តីសម្រេចនេះ មិនទាន់បានចុះសត្ថលេខា ក៏ប៉ុន្តែក្នុងនាមប្រមុខ រាជរដ្ឋាភិបាល ខ្ញុំអាចប្រកាស ជូនជាមុន ថា រាជរដ្ឋាភិបាលនឹងលុបចោលនូវកិច្ចសន្យាលើបញ្ហាផ្លូវជាតិលេខ ៤នេះ ហើយប្រសិទ្ធភាពនឹងចាប់អនុវត្តចាប់ពីម៉ោង១២យប់នេះតទៅ»។
សម្តេចមានប្រសាសន៍ទៀតថា ការលុបចោលនូវកិច្ចសន្យា ហើយយកផ្លូវទាំងមូលមកគ្រប់គ្រងវិញនេះ នឹងមិនទទួលបានការបង់ប្រាក់សម្រាប់រថយន្តទាំ ងអស់ដែលធ្វើដំណើរតាមផ្លូវនេះ នឹងបានជាផលប្រយោជន៍ សម្រាប់ប្រជាជនកម្ពុជា។
សម្តេចតេជោបញ្ជាក់ថា « ទោះបីជាលោក ស៊ុន ឆៃអ្នកតំណាងរាស្ត្រគណបក្សសង្គ្រោះជាតិ បានលើកឡើង ក្នុងអង្គប្រជុំក្តី ប៉ុន្តែរឿង នេះ បានកើតឡើងតាំងពីយប់មិញ ដោយសារតែ ខ្ញុំបានទទួលនូវព័ត៌មានពាក់ព័ន្ធ និងក្រុមហ៊ុនដែលមិនបានអនុវត្តនូវ អ្វីដែលខ្ញុំបានប្រកាសនៅថ្ងៃទី៥ខែមករា ចាប់ពីសូន្យម៉ោង ថ្ងៃទី៦ខែមករា បានសេចក្តីថា ឈានចូលដល់ថ្ងៃទី៧មករា រថយន្តទាំងប៉ុន្មានដែលនៅ តាមផ្លូវជាតិលេខ៤គឺ មិនបង់ប្រាក់ទេ ។ ពេលនោះយើងសង្កេតឃើ ញថាមានរថយន្ត២៣០០០គ្រឿង ប៉ុន្តែបែរនៅក្នុងស្រុកអង្គស្នួលនៅបង់ប្រាក់ ជាងនេះមានការខមមិនក្នុងហ្វេសប៊ុកខ្ញុំ ខ្ញុំបញ្ជាចុះពិនិត្យភ្លាម» ។
សម្តេចមានប្រសាសន៍ទៀតថា នៅពេលដឹងព័ត៌មាននេះ សម្តេចបានបញ្ជា ឲ្យអភិបាលខេត្ត ព្រះសីហនុ មកពិនិត្យផ្លូវជាតិលេខ៤ ពេលពិនិត្យឃើញមានការយកលុយ បីដំណាក់កាល ។ នៅពេលដែលមាន បញ្ហានេះកើតឡើង ហេតុមានន័យថា មិនអាចទុកបានតទៅទៀតទេ ។
សម្តេចបានលើកឡើងនៅក្នុងបណ្តាញទំនាក់ទំនងសង្គមហ្វេសប៊ុកទៀតថា “កង្វល់និងការព្រួយបារម្ភរបស់ប្រជាពលរដ្ឋ គឺជាកង្វល់និងការព្រួបារម្ភរបស់ខ្ញុំផ្ទាល់។ ជាពិសេសពលរដ្ឋដែលរស់នៅតាមបណ្តោយផ្លូវជាតិលេខ ៤ និងប្រជាពលរដ្ឋទូទាំងប្រទេស ដែលធ្វើដំណើរឆ្លងកាត់ផ្លូវនេះទាំងអស់គឺបានសំណូមពរមករាជរដ្ឋាភិបាល និងខ្ញុំផ្ទាល់អំពីការពិបាកគ្រប់យ៉ាង ក្នុងការបង់លុយ សម្រាប់ ធ្វើដំណើរលើផ្លូវជាតិមួយនេះ។ ខ្ញុំបានស្តាប់ និងបានពិភាក្សាជាមួយរដ្ឋមន្ត្រីក្រសួងហិរញ្ញវត្ថុ រដ្ឋមន្ត្រីក្រសួងសាធារណការនិងដឹកជញ្ជូន ហើយនៅក្នុងថ្ងៃប្រជុំសភាថ្ងៃនេះ ក្នុងនាមខ្ញុំជា នាយក រដ្ឋមន្ត្រី គឺបានសម្រេចបញ្ឈប់មិនអោយយកលុយទាំងស្រុងពីអ្នកធ្វើដំណើរចាប់ពី ម៉ោង១២ យប់ ថ្ងៃទី១៣ មករា ២០១៦នេះតទៅ”៕
ច្បារមន
