ខេត្តព្រះសីហនុ ៖អគារខុនដូកំពស់ ២៨ជាន់ របស់ក្រុមហ៊ុន Camhomes ដែលមានទីតាំងភូមិ១ សង្កាត់ លេខ៣ ក្រុង ខេត្តព្រះសីហនុត្រូវបានបើកការដ្ឋានសាង សង់នៅព្រឹកថ្ងៃទី១៦ ខែមករា ឆ្នាំ ២០១៦ ក្រោម អធិបតី ភាពឯកឧត្តម យន្ត មីន អភិបាលនៃគណៈអភិបាល ខេត្តព្រះសីហនុ ។
.លោក បណ្ឌិត Wang Kai Yuen វីង ខៃយាន អគ្គនាយក និងប្រធានក្រុម ប្រឹក្សាភិបាលកិត្តិ យសនៃ D’ wang Kai Yuen Chaiman Executive Indendent Sirector មានប្រសាសន៍ ថា គម្រោងរបស់ Camhomes សាង សង់ក្នុងកំរិតស្តង់ដាខ្ពស់ ដូចគម្រោង នៅសឹង្ហបុរីដែរក្នុងការផ្តល់ សុវត្ថិ ភាព និងកន្លែង ស្នាក់នៅដែលមាន គុណភាពខ្ពស់ រួមជាមួយនិងសម្ភារះទំនើបៗក្នុងតម្លៃសមរម្យដល់ ប្រជាជនកម្ពុជា ។ ផ្ទះសំបែងរបស់យើងផ្តល់ប្រយោជន៍យ៉ាងសំខាន់សំរាប់ប្រជាពល រដ្ឋដែលមានចំណូល មធ្យម និងលើកកំពស់ជីវភាពប្រជាពលរដ្ឋកម្ពុជា ។ បទ ពិសោធន៍ច្រើនឆ្នាំក្នុងការរចនា សាងសង់ ការ គ្រប់គ្រង ការអភិវឌ្ឍអចលនទ្រព្យនៅប្រទេសសិង្ហបុរីតាំងពីឆ្នាំ១៩៨៨មក រួមបញ្ចូលនូវវិធីសាស្ត្រសាង សង់ថ្មី ទំនើប ពីប្រទេសសិង្ហបុរី ហើយគម្រោងអភិវឌ្ឍអគារពាណិជ្ជកម្មចម្រុះ នៅក្នុងខេត្តព្រះសីហនុ មានទីធ្លាសួនច្បារធំល្វឹងល្វើយ កន្លែងក្មេងលេង បន្ទប់សំរាក និងកន្លែងលេងកីឡា ជាឋានសួរនៃ ទីក្រុង បៃតង ។ អគារខុនដូ D ‘Seaview សាងសង់លើផ្ទៃដី ៩៨១៨ម៉ែត្រការេ មានបន្ទប់ស្នាក់ នៅសរុប៧៣៥ បន្ទប់ទីតាំង ៧០កន្លែង សំរាប់ធ្វើជំនួញដូចជា សណ្ឋាគារ ហាងលក់ទំនិញ មណ្ឌលសុខភាព ហាងកែ សម្ភស្ស ការិយាល័យហិរញ្ញវត្ថុជាដើម បង្កើតឱកាសការងារដល់ប្រជាពលរដ្ឋនិងរីកចម្រើនផ្នែក សេដ្ឋកិច្ច កម្ពុជា ។
.ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ មានប្រ សាសន៍ បើកការដ្ឋាន បញ្ចុះបឋមសិលាសាងសង់អគារខុនដូ D’ Seaview ដែលរៀបចំដោយក្រុមហ៊ុន Camhomes នៅខេត្ត ព្រះសីហនុ ព្រោះខេត្តព្រះសីហនុ សម្បូដោយធន ធានធម្មជាតិ ជាប៉ូលសេដ្ឋកិច្ច ក្នុងការអភិវឌ្ឍ វិស័យ ឧស្សាហកម្ម ពាណិជ្ជកម្ម និងទេសចរណ៍ ក្នុងចំណោមរាជធានី ខេត្តទាំង២៥ នៃព្រះរាជាណាចក្រកម្ពុជា ត្រូវបានជាប់ជាសមាជិកក្លឹបឆ្នេរស្អាតបំផុតលើសកលលោក ដែលប្រសិទ្ធនាមថា ឆ្នេរសមុទ្រកម្ពុជា ជាតារារះនាទិស និរតី និងក្លាយជាគោលដៅទេសចរណ៍ធម្មជាតិពេញនិយមទាក់ទាញភ្ញៀវទេសចរជាតិ អន្តរជាតិ មានកំពង់ផែទឹកជ្រៅក្នុងប្រទេសកម្ពុជា ជំរុញកំណើនសេដ្ឋកិច្ចជាតិ ក៍មានវិស័យកសិកម្ម វារីវប្បកម្ម ជលផល ឧស្សាហកម្មកាត់ដេរ និងទេសចរណ៍កំពុងរីកលូតលាស់ បង្កើនកំណើនសេដ្ឋកិច្ចផលិតផលក្នុងស្រុក ។
ឧត្តម យន្ត មីន បានកោតសរសើរក្រុមហ៊ុនCamhomes បានដាក់ទុនវិនិយោគ និងសាងសង់អគារ ខុនដូ ដែលមានកម្ពស់ ២៨ជាន់ ស្ថិតនៅលើទឹកដីក្រុងព្រះសីហនុ គឺជាការរួម ចំណែក យ៉ាងធំធេង ក្នុងការ អភិវឌ្ឍវិស័យឧស្សាហកម្ម ទេសចរណ៍ និងឆ្លុះបញ្ចាំងការរីកចម្រើន មួយថ្មី ទៀត របស់ខេត្ត ព្រះសីហនុ ក្រោមការដឹកនាំរបស់រាជរដ្ឋាភិបាលកម្ពុជា មានសម្តេចអគ្គមហាសេនា បតីតេជោ ហ៊ុន សែន នាយក រដ្ឋមន្ត្រីនៃព្រះរាជាណាចក្រកម្ពុជា ជាមគ្គុទ្ទេសដ៍ឆ្នើមរបស់ប្រជាពលរដ្ឋ កម្ពុជា៕
