ខេត្តកំពង់ឆ្នាំង៖បុរសម្នាក់បានធ្វើអត្តឃាតសម្លាប់ខ្លួនឯងដោយចងកទៅនឹងធ្នឹមផ្ទះ ព្រោះតែតូចចិត្តនឹងជីវិតក្រីក្រ មានជំងឺប្រចាំកាយគ្មានលុយព្យាបាល។ហេតុការណ៍នេះបានកើតឡើ ងនៅម៉ោង៨ព្រឹក ថ្ងៃទី១៥ ខែមករា ឆ្នាំ២០១៦ នៅក្នុងភូមិត្រពាំងពោធិ ឃុំពង្រ ស្រុករលា ប្អៀរ ខេត្តកំពង់ឆ្នាំង ។
សមត្ថកិច្ចនគរបាលមូលដ្ឋានបានអោយដឹងថា៖បុរសធ្វើអត្តឃាតខ្លួនមានឈ្មោះ យ៉ស់ សារ៉ន អាយុ៣៤ឆ្នាំ រស់នៅក្នុងភូមិឃុំខាងលើ មានជំងឺជំងឺសរសៃប្រសាទ និងមានជីវភាពក្រីក្រខ្វះមុខខ្វះក្រោយ ។
ប្រភពនៅកន្លែងកើតហេតុបានប្រាប់សមត្ថកិច្ចអោយដឹងថា៖នៅមុនពេលកើតហេតុ គេនៅផ្ទះម្នាក់ឯង ចំណែកប្រពន្ធនិងកូនបានទៅស៊ីឈ្នួលច្រួតសណ្តែកអោយគេបាត់អស់ពីផ្ទះ ។ ដោយសារតែខ្វាយខ្វល់ពីជំងឺសរសៃប្រសាទមើលមិនជា និងតួចចិត្តនឹងជីតវិតក្រីក្រ ផងនោះ គេឃើញគាត់អង្គុយសញ្ជក់សញ្ជឹងម្នាក់ឯង មយយសន្ទុះមកទើបដឹងថា គាត់គិតខ្លីបានយកខ្សែចងកនឹងធ្នឹមផ្ទះស្លាប់តែម្តង។
ក្រោយពេលកើតហេតុ គឺប្អូនថ្លៃបានដើរមកផ្ទះបុរសនេះ ក៍ប្រទះឃើញសពបុរសនេះបានចងកស្លាប់បាត់ទៅហើយ និងក៏បានហៅអ្នកស្រុកអោយមកជួយមើល និងរាយការណ៍ជូនសមត្ថកិច្ចមូលដ្ឋានអោយចុះមកជួយពិនិត្យសាកសព ។
ក្រោយពីពិនិត្យសាកសពរួច សមត្ថកិច្ចបានធ្វើការសន្និដ្ឋានថា៖ បុរសរូបនេះពិតជាចងកសម្លាប់ខ្លួនឯងពិតប្រាកដមែន ហើយក៏បានប្រគល់សព ជូនក្រុមគ្រួសារនិងសាច់ញាតិ យ កទៅធ្វើបុណ្យទានតាមប្រពៃណីនៅក្នុងមូលដ្ឋាន ៕
