បន្ទាយមានជ័យ: មន្ត្រីថ្នាក់ដឹកនាំអាជ្ញាធរនិងជំនាញចង់អោយអនាគតពាណិជ្ជកម្មកម្ពុជា-ថៃតាមព្រំដែនមានតុល្យភាពគ្នាឬមានន័យថាការនាំេញនាំចូលទំនិញរវាងប្រទេសទាំង២កុំមានគម្លាតពីគ្នាឆ្ងោយពេក។
លោកគោស៊ុ សារឿត អភិបាលខេត្តបន្ទាយមានជ័យនិយាយដូច្នេះកាលពីល្ងាចថ្ងៃទី១៨មករាឆ្នាំ២០១៦ក្នុងពិធីតែងតាំងនិងប្រគល់ភារកិច្ចមន្ត្រីមន្ទីរពាណិជ្ជកម្មខេត្តបន្ទាយមានជ័យ។
លោកអភិបាលនិយាយបម្តថា:សក្តានុពលធំទី២របស់ខេត្តគឺពឹងលើវិស័យពាណិជ្ជកម្ម លើការនាំទំនិញឆ្លងព្រំដែនកម្ពុជា-ថៃនៃភូមិសាស្ត្រខេត្ត។ដូច្នេះតាមគោលនយោបាយរបស់រាជរដ្ឋាភិបាល ក៏ដូចក្រសួងពាណិជ្ជកម្មនិងអាជ្ញាធរខេត្តគឺចង់អោយមានជញ្ជីងពាណិជ្ជកម្មកម្ពុជា-ថៃមានតុល្យភាពឆ្លងកាត់ព្រំដែនប៉ោយប៉ែតនិងព្រំដែនតំបន់២ទៀតនាពេលអនាគត។
លោកថោង ធីណាប្រធានមន្ទីរពាណិជ្ជកម្មខេត្តបន្ទាយមានជ័យនិយាយថា:ក្នុងឆ្នាំកន្លងមក មន្ទីរសហការនឹងជំនាញពាក់ព័ន្ធបានចុះយកព័ត៍មានតម្លៃទំនិញ៥៥មុខលើទីផ្សារ។ធ្វើលិខិតអនុញ្ញាតិធ្វើអាជីវកម្មបាន៥២៩ លើផែនការតែ៣០០។ក្នុងនោះការិយាល័យច្រកចេញចូលតែមួយក្រុងសិរីសោភ័ណធ្វើបាន៣៩២ប័ណ្ណលើផែនការ៥០០ប័ណ្ណ។ក្រុងប៉ោយប៉ែតបាន៧៨ប័ណ្ណនៃផែនការ៥០០ប័ណ្ណ។បានសហការត្រួតពិនិត្យទំនិញលើទីផ្សារ២៦លើតាមគម្រោងនៅទីផ្សារ១៣ក្នុងខេត្ត។បានតាំងពីព៍រណ៍ពាណិជ្ជកម្មក្នុងខេត្ត៣លើកមាន៣៣៦ស្តង់។និងចូលរួមតាំងពីព័រណ៍នៅក្រៅខេត្តនិឪងរាជធានីផងដែរ។
លោកនិយាយបន្តថា:ដោយឡែកសម្រាប់ការជម្រុញពាណិជ្ជកម្ម មន្ទីរបន្តសហការនឹងអាជ្ញាធរ ជំនាញពាក់ព័ន្ធនិងសហប្រតិបត្តិការនឹងភាគីបរទេសជាមិត្តដើម្បីអោយខេត្តអាចនាំទំនិញជាកសិផលរួមមានស្រូវ អង្ករ ដំឡូងមី សណ្តែក ..ទៅកាន់ប្រទេសថៃកាន់តែច្រើនថែមទៀត។ក៏នាំទៅកាន់ប្រទេសនានាដទៃទៀត។
សូមបញ្ជាក់ថា ក្នុងពីធីនេះមន្ទីរនិងអាជ្ញាធរខេត្តបន្ទាយមានជ័យបានប្រកាសតែងតាំងនិងប្រគល់ភារកិច្ចថ្មីជូនមន្ត្រី៣រូបគឺទី១-លោកដុំ វណ្ណឌី ពីប្រធានការិយាល័យអភិវឌ្ឍន៍ពាណិជ្ជកម្មឡើងជាអនុប្រធានមន្ទីរពាណិជកម្មខេត្ត។ទី២-លោក លី ហង ពីមន្ត្រីឡើងជាអនុប្រធានការិយាល័យរដ្ឋបាលហិរញ្ញវត្ថុ។ទី៣-លោកសោម សុខាពីមន្ត្រីឡើងជាអនុប្រធានការិយាល័យអភិវឌ្ឍន៍ពាណិជ្ជកម្ម។
លោកទាំង៣បានប្តេជ្ញាខិតខំបន្ថែមទៀតក្នុងការបំពេញភារកិច្ចប្រកបដោយការទទួលខុសត្រូវ។
សូមរំលឹកថា សម្រាប់ច្រកទ្វារព្រំដែនអន្តរជាតិប៉ោយប៉ែតកានាំចូលទំនិញសព្វសារពើពីប្រទេសថៃមកកម្ពុជាក្នុងឆ្នាំ២០១៥ មានតម្លៃជិត២ពាន់លានដុល្លាសរអា ហើយប្រមូលថវិកាពន្ធគយបានជាង១៦០លានដុល្លាសរអា។បានចំណូលសេវាត្រួតពិនិត្យកាំកុងត្រូល រាប់សិបលានដុល្លាទៀត។
ទំនិញនាំចូលរួមមានរថយន្ត ម៉ូតូ គ្រឿងយន្តកសិកម្ម គ្រឿងសំណង់ គ្រឿងឧបភោគបរិភោគ គ្រឿងសំអាង ឱសថ ផ្លែឈើ.បន្លែ។ល។
ឯនាំចេញពីកម្ពុជាតាមច្រកព្រំដែនអន្តរជាតិប៉ោយប៉ែត,ច្រកតំបន់ម៉ាឡៃនិងច្រកបឹងត្រកួនវិញ រួមមានមើមដំឡូងមីស្រស់និងស្ងួត ,គ្រាប់សណ្តែក ល្ង,ពោតក្រហម.និងទំនិញវត្ថុអនុស្សាវរីយ៍ខ្លះទៀតដែលមានតម្លៃពាណិជ្ជកម្មជាង១០០លានដុល្លាសរអាប៉ុណ្ណោះ៕ដោយ:ឃិន គន្ធា
