ខេត្តព្រះសីហនុ៖យោងតាម ស.ជ.ណ លេខ៧២ចុះថ្ងៃទី១៩មករាឆ្នាំ២០១៦របស់ទីស្តីការគណៈរដ្ឋមន្ត្រី បានបញ្ជាក់ថារាជរដ្ឋាភិបាលបានងកភាពតាមស្មារតីអង្គប្រជុំចំនូន៥ចំណុចពាក់ពន្ធ័ការដក់ហូតដីចំណីឆ្នេរសមុទ្រជាច្រើនកន្លែងនៅលើទឹកដីខេត្តព្រះសីហនុមកទុកជាសម្បត្តិរដ្ឋបំរើផលប្រយោជន៍ជាសាធារណៈលើវិស័យទេសចរណ៍វិញ និងការពិនិត្យឡើងវិញអ្នកដែលពាក់ពន្ធ័កាន់កាប់មិនប្រក្រតីលើដីតំបន់បឹងព្រែកទប់(បឹងស្តុបទឹកស្អាត)តាមនិតីវិធីច្បាប់ដើម្បី ប្រមូលដីបឹងព្រែកទប់យកមិវិញ ស្នើសុំដាក់បឹងព្រែកទប់ជាតំបន់អភិរក្ស ដោយព្រះរាចក្រឹត្យ។ ដោយកិច្ចការនេះ រាជរដ្ឋាភីបាលបានសម្រេចប្រគាល់ទៅឲ្យគណៈកម្មាធិការជាតិ គ្រប់គ្រង និង អភិវឌ្ឍន៍តំបន់ឆ្នេរសមុទ្រកម្ពុជា ដែលមាន ឯកឧត្តមទេសរដ្ឋមន្ត្រី អ៊ឹង ឈុន លឹម រដ្ឋមន្ត្រីរៀបចំដែនដី ជាប្រធាន ឯឧត្តម ថោង ខុន រដ្ឋមន្ត្រីក្រសូងទេសចរណ៍ ជាអនុប្រធានអចិន្ត្រ័យ៏ និង ឯកឧត្ត សាយ សំអាល រដ្ឋមន្ត្រីក្រសូងបរិស្ថាន ជាអនុប្រធាន ដឹកនាំអនុវត្តន៍ ។
ក្នុងនោះទី១-ករណីបឹងព្រែកទប់ ស្ថិតនៅសង្កាត់លេខ៣ ក្រុងព្រះសីហនុ ៖ដោយពិនិត្យឃើញភាពចាំបាច់នៃការអភិរក្សថែរក្សាអាងស្តុកទឹកស្អាតសម្រាប់ប្រើប្រាស់ក្នុងក្រុងព្រះសីហនុត្រូវតែចុះសិក្សាកំណត់អត្តសញ្ញាណអ្នកកាន់កាប់ដីពីភាពមិនប្រក្រតី (ឬភាពអនាធិបតេយ្យ) និងកំនត់និយមកាច្បាស់លាស់ ដើម្បីស្នើសុំដាក់បឹងព្រែកទប់ជាតំបន់អភិរក្ស ដោយព្រះរាចក្រឹត្យ។ ២-ករណីឆ្នេរឯករាជ្យស្ថិតនៅសង្កាត់លេខ៣ ក្រុងព្រះសីហនុ ដើម្បីបង្កើនផ្តៃក្រឡាលំហសាធារណៈ និង ខ្សាច់កំសាន្តនៅតំបន់ឆ្នេរឯករាជ្យ ក្រុងព្រះសីហនុ ត្រូវចុះសិក្សានិងកំណត់តំបន់ឆ្នេរឯករាជ្យ ដែលត្រូវអភិវឌ្ឍ និង តំបន់អភិរក្សសំរាប់សាធារណជនលំហែ និង កំសាន្ត ស្របតាមបទដ្ឋានបច្ចេកទេស និង បទដ្ឋានគតិយុត្តជាធរមាន ដោយនៅចំពោះមុខតម្រូវអោយធ្វើការរុះរើបាំងរបង និង រៀបចំកែសម្រួលអោយសាធារណជនអាចចូលទៅកំសាន្តឆ្នេរខ្សាច់នៅតំបន់ឆ្នេរនេះបាន។ 
ផ្អែកលើលទ្ធផលនៃការសិក្សាខាងលើ និង ដោយស្ថានភាពបច្ចុប្បន្នមានរបាំងរារាំងមិនអាចអោយសាធារណជនទៅលំហែ និង កំសាន្តតំបន់ឆ្នេរខ្សាច់បាន ទាក់ទងនឹងគម្រោងវិនិយោគនិងការកាន់កាប់ឯកជន ត្រូវពិនិត្យជម្រើស០២គឺ៖ ១-ត្រូវ យកមកធ្វើជាទ្រព្យសម្បតិ្តរដ្ឋវិញ ដោយរដ្ឋដោះស្រាយចេញសំណងជូនតាមគោលការណ៍ច្បាប់ជាធរមាន ដើម្បីរៀបចំតំបន់នេះជាឆ្នេរសម្រាប់សាធារណជន ឬ ២-ផ្តល់ការអនុញ្ញាតឲ្យម្ចាស់វិនិយោគបន្តអភិវឌ្ឃ និង ប្រើប្រាស់ស្របតាមច្បាប់និងបទដ្ឋានគតិយុត្តពិសេសសារាចរណែនាំលេខ០១សរណន ចុះថ្ងៃទិ០៣ ខែកុម្ភះ ឆ្នាំ២០១២របស់រាជរដ្ឋាភិបាលស្តីពីការអភិវឌ្ឃតំបន់ឆ្នេរសមុទ្រនៃព្រះរាជាណាចក្រកម្ពុជា និងត្រូវបើកចំហឲ្យសាធារណជនអាចចេញចូលប្រើប្រាស់ និងកម្សាន្តឆ្នេរខ្សាច់នៅតំបន់ឆ្នេរឯករាជ្យបានដោយកគ្មានរបាំងនិងការរារាំង។
៣-ករណីឆ្នេរអូត្រេះ ស្ថិតនៅសង្កាត់លេខ ៤ ក្រុងព្រះសីហនុ ដើម្បីជំរុញការរៀបចំឆ្នេរអូត្រេះស្របតាមគោលការណ៍របស់រាជរដ្ឋាភិបាល (លិខិតលេខ 947 សជណ ឧស ចុះថ្ងៃទី 03 ខែ កក្កដា ឆ្នាំ 2014 របស់ទីស្តីការគណៈរដ្ឋមន្ត្រី) ត្រូវសិក្សាអំពីវិធានការរុះរើសំណង់អនាធិបតេយ្យនៅតាមដីចំណីឆ្នេរ និង ចាប់ផ្តើមធ្វើការអប់រំ និង ផ្សព្វផ្សាយព្រមទាំងកំណត់ពេលវេលា និង កិច្ចសន្យាច្បាស់លាស់ជាមួយនឹងអាជីវករ និង អ្នកតាំងទីលំនៅនៅទីនោះអោយរុះរើចេញ ដើម្បីរៀបចំជាឆ្នេរគំរូសាធារណៈសម្រាប់បម្រើសេវាកម្មទេសចរណ៍ និង ការលំហែនិងកំសាន្តអោយសក្តិសមជាឆ្នេរគំរូ ព្រមទាំងសិក្សាអោយមានអ្នកអភិវឌ្ឍតំបន់ឆ្នេរអូរត្រេះ ឬ ជាអ្នកគ្រប់គ្រង ដើម្បីធានាការគ្រប់គ្រងឆ្នេរអោយមាននិរន្តរភាព ។
៤-ករណីឆ្នេរអូរឈើទាល(ទល់មុខដីក្រុមហ៊ុន សុខា អូលតែល អតីតអារីស្តុន) ស្ថិតនៅសង្កាត់លេខ៤ ក្រុងព្រះសីហនុ ដើម្បីធ្វើសមាហរណកម្មផ្លូវតាមបណ្តោយឆ្នេរ ភ្ចាប់ពីឆ្នេរអូរឈើទាលទៅឆ្នេរអូរត្រេះ និងបើកចំហឆ្នេរនេះសម្រាប់ សាធារណជន និង អ្នកទេសចរអាចកម្សាន្តបាន ត្រូវរក្សា និង រៀបចំវិថីអូរឈើទាល (ផ្លូវប្របឆ្នេរចម្ងាយ៥០ម៉ែត្រពីឆ្នេរខ្សាច់) បន្តទៅទិសខាងជើងមានទំហំទទឹងសមស្រប ដោយកាត់តាមដីក្រុមហ៊ុនសុខាអូតែល (អតីតអារីស្តុន) ស្របតាមបណ្តោយឆ្នេរសមុទ្រ ។ ដីចំណេះឆ្នេរត្រូវរៀបចំជាសួនច្បារ និង ឆ្នេរខ្សាច់ដែលនៅពីមុខផ្លូវនេះ ត្រូវថែរក្សា និង ការពារសម្រាប់សាធារណជនលំហែ និង កម្សាន្ត ដោយមិនអនុញ្ញាតឲ្យសាងសង់សំណង់គ្រប់ប្រភេទ និង ដោយផ្តល់សិទ្ឋិឲ្យក្រុមហ៊ុន សុខា អូតែល ចូលរួមការពារ និង ថែរក្សា ។ ក្រុមហ៊ុន សុខា អូតែល ជាអ្នកធានាទទួលបន្ទុកចំណាយលើការរៀបចំ និង ការសាងសង់ផ្លូវ និង សួនច្បារលើទីតាំងដីចំណីឆ្នេរនេះ និង គណៈកម្មាធិការគ្រប់គ្រង និង អភិវឌ្ឍឆ្នេរសមុទ្រកម្ពុជា ខេត្តព្រះសីហនុ ជាអ្នកអនុវត្ត (កិច្ចការនេះបានឯកភាពជាមួយក្រុមហ៊ុនសុខាអូតែលរួចហើយ) ។
៥-ករណីឆ្វៀលដីស្បែកខ្លាជូនប្រជាពលរដ្ឋ និង ការដោះស្រាយបញ្ហាសំណង់លើទឹក ដីចំណីឆ្នេរ និង ឆ្នេរខ្សាច់កោះរ៉ុង ស្ថិតនៅសង្កាត់កោះរ៉ុង ក្រុងព្រះសីហនុ ដើម្បីជំរុញការអនុវត្តគោលការណ៍របស់រាជរដ្ឋាភិបាលអំពីការឆ្វៀលដីស្បែកខ្លាជូនប្រជាពលរដ្ឋ (លិខិតលេខ ៩៤៧ សជណ.ឧស ចុះថ្ងៃទី ០៣ ខែ កក្កដា ឆ្នាំ ២០១៤ របស់ទីស្តីការគណៈរដ្ឋមន្ត្រី) និង ដើម្បីលើកកម្ពស់កិច្ចការពារបរិស្ថាន និង ភាពស្រស់ស្អាតនៃកោះរ៉ុង ជាមួយនឹងការអនុវត្តការឆ្វៀលដីស្បែកខ្លាជូនប្រជាពលរដ្ឋ នៅកោះរ៉ុង ត្រូវសិក្សារកដំណោះស្រាយប្តូរទីតាំងសំណង់ទាំងឡាយ ដែលបានបោះទីតាំងនៅលើទឹក ដីចំណីឆ្នេរ និង ឆ្នេរខ្សាច់កោះរ៉ុង ឲ្យទៅនៅលើដីផ្នែកខាងក្នុងនៃកោះរ៉ុង និង ត្រូវគោរពស្នើសុំគោលការណ៍ពីរាជរដ្ឋាភីបាល កាត់ដីរដ្ឋដែលនៅសល់ពីគម្រោងវិនិយោគផ្នែកខាងក្នុង នៃកោះរ៉ុងជាថ្នូរផ្តល់ជូនអ្នកដែលត្រូវឲ្យប្តូរទីតាំងនេះវិញ ។ ករណីនេះក៏ជាគំរូមួយសម្រាប់ ការដោះស្រាយសំណង់លើទឹក លើដីចំណីឆ្នេរ និង ឆ្នេរសមុទ្រនៅតំបន់ផ្សេងទៀត ក្នុងតំបន់ឆ្នេរសមុទ្រទាំងមូល នៃខេត្តព្រះសីហនុ ។
ដើម្បីអនុវត្តចំណុចទាំង៥នេះ រាជរដ្ឋាភិបាលបានឯកភាពបង្កើតក្រុមការងារពិសេសមួយ ដោយអនុក្រឹត្យដែលដឹកនាំដោយគណៈកម្មាធិការជាតិ គ្រប់គ្រង និង អភិវឌ្ឍន៍តំបន់ឆ្នេរសមុទ្រកម្ពុជា ដើម្បីគាំទ្រការអនុវត្តផ្ទាល់ដោយគណៈបញ្ជាការឯកភាព ខេត្តព្រះសីហនុ និង មានកញ្ចប់ថវិកាពិសេសមួយសម្រាប់ផ្តល់ជូនគណៈបញ្ជាការឯកភាពនេះ ដើម្បីអនុវត្តតាម ។ ជាមួយនិងខ្លឹមសារសម្រេចរបស់រាជរដ្ឋាភិបាលខាងលើនេះប្រជាពលរដ្ឋខេត្តព្រហសីហនុ បានសម្តែងនៅការគាំទ្រយ៉ាងពេញទំហឹង ពីរព្រោះថាឆ្នេរសមុទ្រដែលជាសម្បត្តិរបស់រដ្ឋនៅលើទឹកដីខេត្តព្រះសីហនុ មួយចំនូនធំកំពុងត្រូវបានធ្លាក់ទៅលើ កម្មសិទ្ធិឯកជនស្ទើរអស់ទៅហើយដូចនេះបើរាជរដ្ឋាភិបាលដក់ហូតមកវិញក្នុងគោលដៅបំរើផលប្រយោជន៍ជាសាធរណៈលើវិស័យទេសចរណ៍វាជារឿងត្រឹមត្រូវបំផុតហើយ ដោយឡែក ចំពោះបឹងព្រែកទប់ដែលជាបឹងប្រវិត្តសាស្ត្រក៍ដូចគ្នា ដោយអ្នកដែលរំលោភបំពានយកដីជុំវិញបឹង សុទ្ធសឹងជាអ្នកមានអំណាច បុណ្យសក្ក័និងទ្រព្យសម្បត្តិទាំងអស់ មិនមានអ្នកក្រីក្រនោះទេពីព្រោះប្រជាពលរដ្ឋរស់នៅពិតប្រាដមិនបង្ករផលប៉ះពាល់បរិស្ថានបឹងព្រែទប់នោះឡើយ ៕កោះពស់(រូបភាពសំណង់តូចធំដែលរំលោភដីតំបន់បឹងព្រែកទប់និងរូបភាពការសាសង់សំណង់លើឆ្នេរឯករាជនិងរបងបិតមិនឲ្យមនុស្សចេញចូលឆ្នេរសមុទ្រ)
