ភ្នំពេញ៖ចោរលួចគាស់ផ្ទះយកទ្រព្យសម្បត្តិផ្សេងៗរបស់ប្រជាពលរដ្ឋតាមមូលដ្ឋានត្រូវបានកម្លាំងប្រជាការពារសង្កាត់ឫស្សីកែវសហការណ៍និងកម្លាំងសមត្ថកិច្ចប៉ុស្ដិ៍ឫស្សីកែវឃាត់ខ្លួនជនត្រូវជាប់សង្ស័យ២នាក់ក្រោយធ្វើសកម្មភាពលួចម៉ូតូពីរផ្ទះជនរងគ្រោះដើម្បីយកមកធ្វើការសាកសួរនៅវេលាម៉ោងវេលាម៉ោង១២និង៣០នាទីយប់រំលងអាធ្រាទថ្ងៃទី៣១ ខែ មករា ឆ្នាំ ២០១៦ ចំណុចផ្លូវបេតុង ភូមិសាមគ្គី សង្កាត់ឬស្សីកែវ ខណ្ឌឫស្សីកែវ ។
នាយប៉ុស្ដិ៍ឫស្សីកែវ លោក តូច គឹមសុង បានបញ្ជាក់ថាឋជនត្រូវចាប់ខ្លួន១ ឈ្មោះហុក មាន ហៅមាន ភេទ ប្រុស អាយុ ១៩ ឆ្នាំ ជនជាតិវៀតណាម មុខរបរមិនពិតប្រាកដ ២ឈ្មោះឃឿន ចាន់មករា ហៅឌួស ភេទប្រុស អាយុ១៩ឆ្នាំ ជនជាតិខ្មែរមុខរបរមិនពិតប្រាកដ ជនសង្ស័យទាំង២នាក់ស្នាក់នៅផ្ទះគ្មានលេខ ផ្លូវមាត់ទន្លេ ភូមិផ្សារតូច សង្កាត់ទួលសង្កែ ខណ្ឌឬស្សីកែវ រាជធានីភ្នំពេញ ។រីឯជនរងគ្រោះឈ្មោះង្វៀង យ៊ាំ ហាត ភេទប្រុស អាយុ៣៦ឆ្នាំ ជនជាតិវៀតណាម មានមុខរបរជាជាងជួសជុលរថយន្ដ ទីលំនៅផ្ទះជួល ផ្លូវបេតុង ក្រុមទី៧ ភូមិសាមគ្គី សង្កាត់ឬស្សីកែវ រាជធានីភ្នំពេញនិងជាម្ចាស់ម៉ូតូម៉ាកឆាលី ពណ៍ស គ្មានស្លាកលេខ ។លោកនាយប៉ុស្ដិ៍ឫស្សីកែវបានបន្តថា ក្រោយទទួលពាក្យបណ្ដឹងពីរជនរងគ្រោះកម្លាំងប្រជាការពារសហការណ៍និងកម្លាំងនគរបាលប៉ុស្ដិ៍ឫស្សីកែវបានបន្តស្រាវជ្រាវយាមល្បាតនារាត្រីយប់ក៍បានប្រទះឃើញជនទាំងនោះគួរឲ្យសង្ស័យក៍ឃាត់ខ្លួនភ្លាមៗដើម្បីយកមកធ្វើការសាកសួរទើបដឹងថាជនត្រូវជាប់សង្ស័យទាំង២នាក់បានធ្វើសកម្មភាពគាស់ផ្ទះជនរងគ្រោះលួចម៉ូតូនិងត្រៀមជិះរត់គេចខ្លួន។បច្ចុប្បន្នជនត្រូវជាប់សង្ស័យអំពើរលួចទាំង២នាក់បាននិងកំពុងសួរនាំព្រមទាំងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវដោយឡែកក្រោយធ្វើការស្រាវជ្រាវម៉ូតូឆាលី១គ្រឿងត្រូវបានសមត្ថកិច្ចប្រគល់ឲ្យជនរងគ្រោះវិញផងដែរ ៕
