ភ្នំពេញ បុរសម្នាក់បានរងរបួសធ្ងន់បន្ទាប់ពីរូបគេបានជិះម៉ូតូលឿនគេចពីរថយន្តCRVមួយគ្រឿងហើយជ្រុលទៅបុកជាមួយរថយន្តតាក់ស៊ីក្រហមខណះដែលធ្វើដំណើរបញ្ច្រាស់ទិសគ្នាបណ្តាលអោយរងការខូចខាតកាលពីវេលាម៉ោង១០និង៣០នាទីយប់ ថ្ងៃទី១ ខែធ្នូ ឆ្នាំ២០១៦ ចំណុចផ្លូវនរោត្តម កែងផ្លូវលេខ២១៤ ស្ថិតក្នុងសង្កាត់ជ័យជំនះ ខណ្ឌដូនពេញ ហើយរថយន្តតាក់ស៊ីបានព្យាយាមបើករងត្រូវបានគេដេញនិងឃាត់ជាប់។
តាមសាក្សីនៅកន្លែងកើតហេតុបានអោយដឹងថា នៅមុនពេលកើតហេតុគេបានឃើញបុរសម្នាក់ជិះម៉ូតូម៉ាក ស៊ុយសាគីAddress ពណ៌ស ពាក់ស្លាកភ្នំពេញ1DD 3736 ធ្វើដំណើរតាមបណ្តោយផ្លូវនរោត្តម ក្នុងទិសដៅពីត្បូងទៅជើងខណះមកដល់ចំណុចកើតក៏គេចពីរថយន្តមួយគ្រឿងម៉ាកCRV មិនចាំស្លាកលេខហើយក៏ជ្រុលបុកជាមួយរថយន្តតាក់ស៊ីក្រហម ពាក់ស្លាកលេខភ្នំពញ2AC 3920 ធ្វើដំណើរក្នុងទិសដៅបញ្ច្រាស់គ្នាបណ្តាលអោយអ្នកជិះម៉ូតូដួលរងរបួសបែកមុខមាត់ ចំណែករថយន្តបានបើកគេចខ្លួនតាំងពីចំណុចកើតហេតុរហូតមកដល់ចំណុចផ្លូវលេខ៥១ កែងផ្លូវ២០០ ត្រូវអ្នករត់ម៉ូតូឌុបដេញឃាត់បាន។
ក្រោយពេលកើតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីពេទ្យចំណែករថយន្តនិងម៉ូតូមត្ថកិច្ចមូលដ្ឋានបានសហការជាមួយជុំនាញធ្វើការវាស់វែងយកទៅរក្សាទុកនៅការិយាល័យចរាចរជើងគោរដើម្បីរងចាំដោះស្រាយពេលក្រោយ ៕
