កំពង់ធំៈ សាលាបឋមសិក្សាកំពង់ធំ និងវិទ្យាល័យកំពង់រទេះ បន្ទាប់ពីត្រូវបានយកចិត្តទុកដាក់ ពីសំណាក់ ក្រសួងអប់រំយុវជន និងកីឡា បានជួយខ្នះខ្នែង សហការជាមួយអង្គការក្រៅរដ្ឋាភិបាល រូមធូរីកម្ពុជា ជួយសាង់សង់អាគារបឋមសិក្សា១ខ្នង ៥បន្ទប់ និងបណ្ណាល័យមួយ សម្រាប់តម្រូវការរបស់សិស្ស ដែលកំពុងតែមានកំណើនកើនឡើងក្នុងឆ្នាំ ២០១៦។
លោក ដួង ដារ៉ារិទ្ធ នាយកសាលាបឋមសិក្សាកំពង់ធំ ដែលមានការគ្រប់គ្រងដឹកនាំកាសាងសង់ បានបង្ហើបឲ្យដឹងថា អាគារសិក្សាមួយខ្នង៥បន្ទប់និងបណ្ណាល័យមួយខ្នង ដែលត្រូវបានដាក់សម្ពោធន៍ ដាក់ឲ្យប្រើប្រាស់នេះ ត្រូវបានកសាងឡើង ស្ថិតនៅភូមិកំពង់ធំ សង្កាត់កំពង់រទេះ ក្រុងស្ទឹងសែន ខេត្តកំពង់ធំ ដែលត្រូវបានសាងសង់អស់ទឹកប្រាក់ ៤.៥២៨០.៨៥ដុល្លាថវិកាបដិភាគសហគមន៍ ១៥% ស្មើនិង៧១៦៧,១២ដុល្លា ក្រោមការចំណាយឧបត្ថម្ភដោយអង្គការរូមធូរីកម្ពុជា ( CRR.SR) ក្នុងតម្លៃ១,២៣០,០០ដុល្លា បដិភាគសហគមន៍១៧%ស្មើនិង ២,០៧៩,១០ដុល្លា ។
ឯកឧត្តម សុខ លូ អភិបាលខេត្តកំពង់ធំ បានកោតសរសើរចំពោះការឧបត្ថម្ភគាំទ្រារបស់ អង្គការរូមធូរីកម្ពុជា និងបងប្អូននៅក្នុងសហគមន៍បានជួយខ្នះខ្នែងបដិភាគ ធ្វើឲ្យមានការសាងសង់សាលារៀន ដែលមានលក្ខណៈសមរម្យ ក៏ដូចការខិតខំប្រឹងប្រែង របស់លោក ដួង ដារ៉ារិទ្ធ នាយកសាលាបាន គៀងគរ សម្បុរសជន និងប្រជាពលរដ្ឋ ជួសជុលសាងសង់ សាលាដែលមានសភាពទ្រុឌទ្រោម បាក់ពុកផុយ ដែលបានសាងសង់ តាំងពីឆ្នាំ ១៩៨១មក ដោយមានការយកចិត្តទុកដាក់ពីឯកឧត្តម អ៊ុត សំអន អភិបាលនៃគណៈអភិបាល ខេត្តកំពង់ធំ រួមទាំងសម្បុរជន បានចាក់ដីបំពេញទីធ្លាសាលានិងសាងសង់សាលារហូតឈានដល់ ការដាក់សម្ពោធឲ្យប្រើប្រាស់ជាផ្លូវការនៅថ្ងៃទី ៤ ខែ កុម្ភះ ឆ្នាំ ២០១៦នេះ។
ឯកឧត្តម រដ្ឋមន្ត្រី ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា បានផ្តោតលើការយកចិត្តទុកដាក់ និងជម្រុញឲ្យសិស្សានុសិស្ស ទាំងអស់ទម្លាប់ការអានអក្ស ព្រោះការអំណាននេះជាកត្តាមួយដ៏សំខាន់ក្នុងការ ចូលរួម ពង្រឹងគុណភាពអប់រំ និងទទួលបានគុណភាព ទើបក្រសួងអប់រំបានដាក់ចេញនូវទិវាអំណាន ដោយរាជរដ្ឋាភិបាលបានចេញនូវអនុក្រិត្ត សម្រេចយកថ្ងៃទី១១ ខែមិនា ជារៀងរាល់ឆ្នាំ ជាថ្ងៃទិវាអំណាន ក្នុងនោះមានការយកចិត្តទុកដាក់រៀបចំស្តង់ដាអំណាន និងបានដាក់ឲ្យប្រើប្រាស់នូវវិទ្យាសាស្ត្រ នូវការបង្រៀនអំណាននេះ ដើម្បីឲ្យក្មួយៗទាំងអស់គ្នាអាចចេះអានបាន និងជាមូលដ្ឋានគ្រិះសម្រាប់ការជោគជ័យ នៅក្នុងជីវិញរបស់ក្មួយៗ សាលាគឺជាថ្នាល់បណ្តុះទំពាំងស្នងឬស្សី និងជាទំពាំងល្អមានការលូតលាស់ខ្លាំង បន្សល់នូវផ្លែផ្កា ក្នុងពេលបច្ចុប្បន្នក៏ដូចជាអនាគត់ ក្រសួងកំពង់តែធ្វើការកំណែទម្រង់ការប្រឡង ទុរិយភូមិ ឆ្នាំនេះក្រសួងនិងលើភាសាខ្មែរ ជាពិសេសចំពោះសិស្សថ្នាក់ទី៩ និងផ្តោតលើការសរសេរតាមអាន និងតែងសេចក្តី តែម្តងដើម្បីឲ្យក្មួយៗអានកាន់តែច្រើន សរសេរកាន់តែល្អ និងការយកចិត្តទុកដាក់លើមុខវិជ្ជាផ្សេងៗ ទៀត ក្នុងនោះក្រសួងបានគាំទ្រនិងជម្រុញឲ្យសិស្សរៀនភាសាអង់គ្លេស និងភាសាបារាំង ដើម្បីជាការប្រឡងប្រណាំងនៅក្នុងតំបន់ និងពិភពលោក ។ដោយ ប៊ុន រដ្ឋា
