កំពង់ធំ=បុរសម្នាក់បានបើកបរដោយស្ថានភាពងងុយដេកក៏រ៉េចង្កូតធ្លាក់ថ្នល់ក្រឡាប់ជាច្រើនត្រឡប់ហេតុការណ៍គ្រោះថ្នាក់ចរាចរណ៍បានធ្វើអោយបុរសម្នាក់ជាតៃកុង របួសស្រាល ចំណែកស្ដ្រីអ្នករួមដំណើរម្នាក់ស្លាប់ភ្លាមៗនៅនិងកន្លែងកើតហេតុ។ ហេតុការណ៍ដ៏រន្ធត់នេះ
បានកើតឡើងកាលពីវេលាម៉ោង៤និង១២នាទីថ្ងៃទី១៤ខែកុម្ភះឆ្នាំ២០១៦ត្រង់ចំណុចភូមិក្រសាំង (ខ) ឃុំសានគរ ស្រុកកំពង់ស្វាយ ខេត្តកំពង់ធំ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេបានឃើញរថយន្តនោះម៉ាកTOYOTA TAKOMA ពាក់ផ្លាក់លេខ ភ្នំពេញ 2N 3645 ធ្វើដំណើរពីលិចទៅកើតដើម្បីយកបន្លែរទៅលក់នៅផ្សាកំពង់ធំមកដល់ចំនុចកើតហេតុក៏បើកធ្លាក់ថ្នល់លឺសំលេងប្រាវ ធ្វើអោយផ្ញាក់ផ្អើរដល់ប្រជាពរដ្នក៏នាំគ្នាមកមើលឃើញបុរសអ្នកបើកបររងគ្រោះស្រាល និងស្ដ្រីចំណាស់ម្នាក់ទៀតរងរបួសធ្ងន់ធ្ងររហូតដាច់ខ្យល់ស្លាប់នៅនិងកន្លែងកើតហេតុ តាមប្រភពបន្ថែមថាជនរងគ្រោះដែលស្លាប់បាត់បង់ជីវិតមានឈ្មោះផាត់ផៃ ភេទស្រីអាយុ៥១ឆ្នាំរស់នៅភូមិឃុំខាងលើ ត្រូវជាម្ដាយបង្កើតអ្នកបើកបរ ចំណែកអ្នកបើកបរឈ្មោះ ធុលធឿន ភេទប្រុស អាយុ២៦ឆ្នាំរស់នៅភូមិដង្កៀវ ឃុំចាន់សរ ស្រុកប្រាសាទបាគង ខេត្តសៀមរាប របួសស្រាល។
បន្ទាប់ពីកើតហេតុសមត្ថកិច្ចបានចុះមកធ្វើការវាស់វែងស្ទូចយករថយន្ដ រួចប្រគល់សាកសពជនរងគ្រោះអោយសាច់ញាតិក្រុមគ្រួសារ យកទៅធ្វើបុណ្យតាមប្រពៃណី ចំណែករថយន្ដរក្សាទុកនៅអធិការដ្ឋាននគរបាលស្រុកកំពង់ស្វាយជាបណ្ដោះអាសន្នរងចាំម្ចាស់មកទទួលយក៕ ប៊ុន រិទ្ធី
