ឧត្តរមានជ័យ៖.កាលពីវេលាម៉ោង៩និង៣០នាទីថ្ងៃទី១៧ ខែកុម្ភះ ឆ្នាំ២០១៧ ក្មេងស្រីម្នាក់រងរបួសយ៉ាងធ្ងន់ធ្ង ដោយម៉ូតូរបស់ទាហានឈុតខ្មៅថៃ បុកយ៉ាងពេញទំហឹង នៅលើផ្លូវជាតិលេខ៦៧B.ខាងមុខកាសុីណូ.ច្រកអន្តរជាតិជាំ សាងុាំ លឹមហេង ស្ថិតនៅក្នុងភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ។សមត្ថកិច្ចប៉ូលិស៩០៥ បានអោយដឹងថា ក្មេងស្រីរងគ្រោះ មានឈ្មោះម៉េង ធារ៉ា ភេទស្រីអាយុ៥ឆ្នាំរស់នៅភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ បណ្តាលឲ្យរងរបួសត្រង់ពោះយ៉ាងធ្ងន់ធ្ង។សមត្ថកិច្ចប៉ូលិស បានអោយដឹងទៀតថា ជនបង្ករជិះម៉ូតូបុក ឈ្មោះខធា ឈិប ភេទប្រុសអាយុ៣០ឆ្នាំរស់នៅភូមិ ឃុំណាំយេន ស្រុកខាន់ថាឡាក់ ខេត្តសុីសាកេត ជាទាហានឈុតខ្មៅ កងរយ២៣០២ប្រចាំនៅព្រំដែន កម្ពុជា.ថៃ។បច្ចុប្បន្ន ក្មេងស្រីរងគ្រោះត្រូវបានបញ្ជូនទៅសង្គ្រោះបន្ទាន់ នៅមន្ទីរពេទ្យស្រុកភូសុីង ខេត្តសុីសាកេត ប្រទេសថៃ រីឯម៉ូតូបង្ករ សមត្ថកិច្ចប៉ូលិស យកមករក្សាទុករងចាំដោះស្រាយគ្នាទៅតាមផ្លូវច្បាប់៕
