ខេត្តពោធិ៍សាត់៖ រថយន្តពីគ្រឿងដែលមានដឹកស្រាបៀរនិងយីហោឡូកូរថយន្តដាក់ស្លាក់សញ្ញាសម្គាល់របស់ក្រុមហ៊ុនស្របៀរដូចគ្នា បានបើកជែងគ្នាពេញផ្លូវជាតិលេខ០៥ ដែលអ្នកឃើញហេតុការថាសង្ស័យតៃកុងទាំងពីនាក់នោះស្រវឹងដូចគ្នា នៅទីបំផុតរថយន្តដឹកស្រាបៀរអង្គរក៍បានក្រឡាប់ចាក់ស្រាបៀរពេញកន្លែងកើតហេតុ។ ហេតុការណ៍នេះបានកើតឡើងកាលពីវេលាមោ៉ង១០និង២៥នាទីព្រឹក ថ្ងៃទី១៦ ខែកុម្ភៈ ឆ្នាំ២០១៦ លើផ្លូវជាតិលេខ០៥ក្នុងភួមិក្ដីឈ្នួល ឃុំត្រពាំងជង ស្រុកបាកាន ខេត្តពោធិ៍សាត់ដោយពុំមានកាគ្រោះថ្នាក់ឡើយគឺរបួសស្រាលតិចតួចប៉ុណ្ណោះ។
បើតាមសាក្សីដែលបានឃើញមុនពេលមានហេតុការនដះបាននិយាថា៖ មានរថយន្តពីគ្រឿង ដែលមានដឹកសុទ្ធតែស្របៀរដូចគ្នា និងយីហោស្លាកឡូកូក្រុមហ៊ុនស្រាបៀរដូចគ្នាបានធ្វើចរាចរណ៍លើផ្លូវជាតិក្នុងទិសដៅពីកើតទៅលិច។ សាក្សីដដែលនោះបានបន្តថា ពួកគេបានបើកប្រៀបដូចជាមនុស្សស្រវឹងស្រាបៀរ ដោយតៃកុងបើករថយន្តទាំងពីគ្រឿងនេះ បានបើកល្បឿនលឿន ហើយបើកប្រជែងគ្នាពេញលើផ្លូវជាតិលេខ០៥ ។ ស្រាប់តែមកដល់ត្រង់ចន្លោះគីឡូមែ៉ត្រលេខ១៩៨និង១៩៩ រថយន្តដែលដឹកស្រាបៀរអង្គរនិងដាក់ស្លាក់ឡូកូក្រុមហ៊ុនស្រាបៀរអង្គរ ក៍បានវេចង្កូតទៅខាងឆ្វេងដៃនៃខាងជើងផ្លូវជាតិក្រឡាប់ផ្ងាជើង ចាក់ស្រាបៀរពេញស្រែ ខូចខាតរថយន្តយា៉ងដំណំ ឯមនុស្សក្នុងរថយន្តគ្រោះថ្នាក់របួសស្រាលបន្តិចបន្ទួចប៉ុណ្ណោះ ដោយរថយន្តដឹកស្រាបៀរមួយទៀតក៍បានបើកឆ្ពោះទៅមុខបាត់ ពុំបង្ករឲ្យអ្នកដទៃរបួសអ្វីឡើយ។
នគរបាលចរាចរណ៍ផ្លូវគោក របស់អធិការដ្ឋាននគរបាលស្រុកបាកានបានឲ្យដឹងថា ក្រោយពេលមានហេតុការណ៍ភ្លាមកម្លាំងចរាចរណ៍ស្រុកក៍បានចុះជួយអន្តរាគមន៍សម្រួសចរាចរណ៍និងជួយមើលពលរដ្ឋជួយរើសស្រាបៀរអង្គរនោះឲ្យម្ចាស់ក្រុមវិញ។ និងជួយហៅរថយន្តស្ទូចមកស្ទចដើម្បីយកទៅជួសជុលប្រើប្រាស់វិញ ដោយមន្ត្រីចរាចរណ៍នោះបានស្តីបន្ទោសថា គឺជាកត្តមនុស្សដែលបើកបរជែងគ្នាលើផ្លូវមិនប្រយ័ត្ន៕
