ឧត្តរមានជ័យ៖.កាលពីវេលាម៉ោង៤និង១៥នាទីថ្ងៃទី១៦ ខែកុម្ភះ ឆ្នាំ២០១៦ កម្លាំងសមត្ថកិច្ចចំរុះ ចំនួន៤៤នាក់ ដឹកនាំដោយលោក ប៊ូ សាខន អភិបាលរងខេត្តឧត្តរមានជ័យ. បានចុះបង្ក្រាបទីតាំងស្តុបឈើប្រណិត ជាច្រើនដុំ ដែលម្ចាស់លាក់ទុកាលពីពេលថ្មីៗនោះ កម្លាំងកងរាជអាវុធហត្ថស្រុក១២នាក់និងសមត្ថកិច្ចប៉ូលិស១៧នាក់ សហការជាមួយសឹករងស្រុក១០នាក់និងរដ្ឋបាលព្រៃឈើចំនួន៥នាក់ ។បង្ក្រាបទីតាំងស្តុបឈើ មួយកន្លែង ស្ថិតនៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ ។សមត្ថកិច្ច បានអោយដឹងថា ករណីកម្លាំងចំរុះ ចុះបង្ក្រាបទីតាំងខាងលើនោះ លទ្ធផល ចាប់បានឈើប្រភេទក្រញូងចំនួន៣២ដុំ ស្មើនឹង៤១៦គីឡូក្រាម បច្ចុប្បន្នឈើ ទាំងអស់នោះ យកទៅរក្សាទុក នៅអធិការដ្ឋាននគរបាលស្រុកត្រពាំងប្រាសាទ ហើយម្ចាស់ឈើទាំងអស់បានរត់គេចខ្លួន បាត់អស់។សមត្ថកិច្ច បានឲ្យដឹងទៀតថា រឿងម្ចាស់ឈើក្រញូង លោកនិងធ្វើការស្រាវជ្រាវទៅតាមក្រោយ៕
