ខេត្តកំពង់ឆ្នាំង៖ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំង និងជាប្រធានគណៈបញ្ជាការឯកភាពខេត្តកំពង់ឆ្នាំងបានថ្លែងថា « ស្នើសុំអោយកងកំលាំងទាំងអស់សហការគ្នាអោយបានជិតស្និត ដើម្បីការពារសន្តិសុខ សណ្តាប់ធ្នាប់សង្គម និងសុវត្តិភាពរស់នៅជូនប្រជាពលរដ្ឋអោយបានល្អ នៅទូទាំងខេត្តកំពង់ឆ្នាំង » ។ ឯកឧត្តមបានថ្លែងបែបនេះ នៅក្នុងពិធីបិទកិច្ចប្រជុំបូកសរុបលទ្ធផលការងារយោធាឆ្នាំ២០១៥និងផ្សព្វផ្សាយផែនការសកម្មភាពសំរាប់អនុវត្តបន្តឆ្នាំ២០១៦ ដោយមានការចូលរួមពីឯកឧត្តមសេនីយ៍ទោ សោម សុវណ្ណ មេបញ្ជាការរងយោធភូមិភាគពិសេស ប្រតិភូក្រសួងការពារជាតិ ឯកឧត្តមសេនីយ៍ត្រី ធន ធឿន មេបញ្ជាការតំបន់ប្រតិបត្តិការសឹករងកំពង់ឆ្នាំង ប្រធានមន្ទីរអង្គភាពជុំវិញខេត្ត និងមន្ត្រីយោធាចំណុះអោយតំបន់ប្រតិបត្តិការសឹងរងកំពង់ឆ្នាំងសរុបចំនួន១៥៣នាក់។
ឯកឧត្តម ឈួរ ច័ន្ទឌឿន បានមានប្រសាសន៍បន្តថា៖ កងកំលាំងប្រដាប់គ្រប់លំដាប់ថ្នាក់ត្រូវតែធ្វើអំ ពើល្អ បំរើប្រជាពលរដ្ឋ ក្រៅពីភារកិច្ចស្នូលរបស់ខ្លួន ត្រូវចុះទៅតាមមូលដ្ឋានដែលខ្លួទទួលខុសត្រូវ ដើម្បីចូ លរួមយ៉ាងសកម្មអនុវត្តតាមកម្មវិធីនយោបាយយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាល
អោយសម្រចបានជោគជ័យ និងប្រកបដោយប្រសិទ្ធភាពខ្ពស់។
ឯកឧត្តម ឈួរ ច័ន្ទឌឿន ក៏បានផ្តាំផ្ញើដល់នាយទាហាន ពលទាហាន គ្រប់ជាន់ថា្នក់ត្រូវចូលរួមអនុវត្ត
អោយបានជោគជ័យតាមផែនការសកម្មភាព ដែលបានផ្សព្វផ្សាយនៅក្នុងកិច្ចប្រជុំថៃ្ងនេះ ដោយត្រូវស្មោះត្រង់ការពាររដ្ឋធម្មនុញ្ញ ការពារព្រះមហាក្សត្រ ការពាររាជរដ្ឋាភិបាល ដោយប្រឆាំងដាច់ខាតចំពោះពួកអគតិ ដែលបង្កចលាចលក្នុងសង្គម ការពារសន្តិសុខអោយបានល្អជូនប្រជាពលរដ្ឋ និងចូលរួមសហការបង្ក្រាបអោយបានទាន់ពេលវេលា អំពើចោរកម្មនិងគ្រឿងញៀន។ ចំពោះភារកិច្ចរបស់ខ្លួនត្រូវខិតខំហ្វឹកហាត់រៀនសូត្រដើម្បីបង្កើនចំណេះដឹងអោយបានខ្ពស់ដើម្បីការពាបូរណៈភាពទឹកដី។
ទន្ទឹមនេះដែរត្រូវបង្កើនការចុះមូលដ្ឋានជួយប្រជាពលរដ្ឋដែលខ្វះកំលាំងពលកម្មជួបការលំបាក ត្រូវយកចិត្តទុកដាក់ជាមួយគ្រួសារអតីតយុទ្ធជនដែលជួបការលំបាក និងដោះស្រាយអោយបានទាន់ពេលវេលានូវប្រាក់បេឡាសង្គ្រោះជូនគ្រួសារអតីតយុទ្ធ និងបន្តពង្រឹងកិច្ចសហការជាមួយជាមិត្តនៅលើសកលលោកអោយបានល្អក្នុងការរកចំណូលពង្រីកសមិទ្ធផលថ្មីៗថែមទៀតក្នុងអង្គភាព និងសហការជាមួយកា៩០ក្នុងការជួយរុករកអិដ្ឋធាតុកងទ័ពស្ម័គ្របរទេសនៅក្នុងភូមិសាស្ត្រខេត្តកំពង់ឆ្នាំង។
នៅក្នុងកម្មវិធីនេះដែរ ឯកឧត្តម ឈួរ ច័ន្ទឌឿន ឯកឧត្តមសេនីយ៍ទោ សោម សុវណ្ណ និងឯកឧត្តមសេនីយ៍ត្រី ធន ធឿន បានបំពាក់ឋានន្តរសក្តិជូនយោធិថ្នាក់អនុសេនីយ៍ឯកចំនួន៣នាក់,ថ្នាក់អនុសេនីយ៍ទោ០៤នាក់,ថ្នាក់អនុសេនីយ៍ត្រី១នាក់ និងថ្នាក់នាយសំណង់ចំនួន០៣នាក់ ,បំពាក់គ្រឿងឥស្សរិយយសព្រះរាជាណាចក្រកម្ពុជាជូនដល់ពលទាហាននាយទាហានចំនួន៧៣នាក់,ប្រគល់ប័ណ្ណសរសើដល់ក្រុង/ស្រុកទាំង៨និងផ្តល់ជូនដល់ក្រុង/ស្រុកនូវវិទ្យុ១គ្រឿងៗក្នុងមួយស្រុកផងដែរ។ នៅក្នងកម្មវិធីនេះឯកឧត្តមអភិបាលខេត្តកំពង់ឆ្នាំងក៏បានឧបត្ថម្ភថវិកា១លានរៀល ស្រាបៀ២០កេស និងទឹកក្រូច១០កេស ដល់តំបន់ប្រតិបត្តិការសឹករងកំពង់ឆ្នាំង សំរាប់ជប់លៀងក្នុងពិធីបិតការប្រជុំប្រចាំឆ្នាំនេះផងដែរ៕
