ក្រចេះ៖ កងរាជអាវុធហត្តក្រុងក្រចេះដឹកនាំដោយលោកផាត សុភក្ត្រ័វាសនា មេបញ្ជាការអាវុធហត្ថក្រុងក្រចេះ ខេត្តក្រចេះ បាននាំយកអំណោយចែកជូនចាស់ជរាគ្មានទីពឹងចំនួនពីរគ្រួសារកាលពីព្រឹកថ្ងៃទី២០ ខែគុម្ភៈ ឆ្នាំ២០១៦ ដែលពិធីនេះបានធ្វើឡើងនៅភូមិស្រែស្ដៅសង្កាត់អូរឬស្សី ។
លោក ផាត សុភក្ត្រ័វាសនា បានឲ្យដឹងថា៖ ដោយមានការចង្អុលបង្ហាញពីឯកឧត្តម ឧត្ដមសេនីត្រីយ៍ សាន្ដ ប៊ុនថាន មេបញ្ជាការកងរាជអាវុធហត្ថខេត្តក្រចេះ ដែលតែងតែជំរុញឲ្យមន្ត្រីអាវុធហត្ថទាំងអស់ ក្រៅពីការ ការពារសុវត្ថិភាពសន្តិសុខ ជូនប្រជាពលរដ្ឋ មន្ត្រីអាវុធហត្ថយើងត្រូវបង្កើនសកម្មភាពមនុស្សធម៌ និងចុះជួយប្រជាពលរដ្ឋ ដោយមិនត្រូវគិតនិន្នាការនយោបាយ ឬជាតិសាសន៍នោះឡើយ ។ ដោយមានការយកចិត្តទុកដាក់នេះហេីយ ទើបមន្ត្រីអាវុធហត្ថក្រុងក្រចេះ បានអនុវត្តយា់ងខ្ជាប់ខ្ជួន មិនដែលឃ្លាតឆ្ងាយពីប្រជាពលរដ្ឋឡើយ ជាក់ស្តែងអំណោយទាំងនោះគឺបានកើតចេញពីចូលរួមរបស់នាយ នាយរងអាវុធហត្ថ រួមនឹងសប្បុរសជន ដើម្បីរួមជាវិភាគទានចែករំលែកទៅតាមទឹកចិត្តសទ្ធាជ្រះថ្លារៀងៗខ្លួន។
លោកមេបញ្ជាការបានបញ្ជាក់ថា៖ អំណោយដែលត្រូវចែកជូននាពេលនេះ ក្នុងម្នាក់ៗទទួលបានមី១កេះទឹកត្រី១យួ ទឹកសុីអីុវ១យួរ ទឹកសុទ្ធ១កេះ បីចេង១កញ្ចប់ស្កសរ១គីឡូគ្រាម អំបិល១គីឡូ ត្រីខ១យួ អង្ករចំនួន២បេ និងប្រាក់ក្នុងម្នាក់ចំនួន១០០០០០៛(ដប់មឺុនរៀល) ដេីម្បីជួយរំលែកភាពក្រលំបាកមួយចំណែក។ ដូនចាស់ជរាឈ្ដែលទទួលអំណោយនាពេលនេះមានឈ្មោះ ទូច វ៉ាត អាយុ៨០ឆ្នាំ និងលោកយាយ ទី សុខសាន្ដ អាយុ៧៧ឆ្នាំ រស់នៅសង្កាត់អូរឬស្សី ជាជនចាស់ជរា និងមានជីវភាពក្រលំបាកគ្នានទីពឹង ៕
