បាត់ដំបងៈ យុវជនជាពលករខ្មែរម្នាក់បានស្លាប់នៅក្នុងមន្ទីរពេទ្យបង្អែកខេត្តបាត់ដំបងបន្ទាប់ពីវិលត្រឡប់មកពីប្រទេសថៃ (ខេត្តចន្ទ័បូរី)ទាំងមានអាការៈជម្ងឺធ្ងន់ធ្ងរគ្មានលទ្ធភាពព្យាបាលក្នុងប្រទេស ខាងលើក៏សម្រេចចិត្តវិលមកស្រុកកំណើតវិញ។យុវពលករដែលស្លាប់នេះ គឺមានឈ្មោះ សេក កក្កដា អាយុ២៥ ឆ្នាំ ស្រុកកំណើត នៅភូមិខ្នាចរមាស ឃុំខ្នាចរមាស ស្រុកបវេល ខេត្តបាត់ ដំបង។
តាមការអះអាងពីប្រជាពលរដ្ឋអ្នកជិតខាងក្នុងភូមិខ្នាចរមាសបានអោយដឹងថា៖ ជនរងគ្រោះដែលស្លាប់នេះ ដោយសារតែជីវភាពរបស់គេជួបការលំបាកខ្លាំងពេកទើបគេសំរេចចិត្តឆ្លងដែន ទៅធ្វើការនៅប្រទេសថៃ បានតែរយៈពេលប្រហែល ៣-៤ ខែប៉ុណ្ណោះ ដោយទៅធ្វើជាកម្មកររោងចក្រផលិត ស្បៃជ័រ ( ពណ៌ខៀវ )។
ប្រភពខាងលើបានឲ្យដឹងទៀតថានៅ ក្នុងអំឡុង១សប្តាហ៍មុននេះ យុវជន សេក កក្កដា បានមានជម្ងឺនៅឯស្រុក ថៃ ដោយអាការៈឈឺហើមស្មាមួយចំ ហៀង ហើយក៏បានលេបថ្នាំព្យាបាល ក៏បានជា ធូរស្បើយ ដូចធម្មតាវិញ។ក្រោយពីជាបាន១ថ្ងៃក៏ទៅធ្វើការងារទៀត។ការទៅធ្វើការជាថ្មីនេះជាហេតុ បង្កឲ្យជំងឺលាប់ឡើងវិញ … បណ្តាល ឲ្យហើម ក៎ដៃ និង ជើង។
ដោយឃើញសភាពមិនស្រួល បង ប្អូនក៏នាំយុវជនរូបនេះ ឲ្យវិលត្រឡប់ មកស្រុកខ្មែរវិញដើម្បីនាំមកព្យាបាល នៅឯមន្ទីរពេទ្យខេត្តបាត់ដំបង។ ក្រោ យពីការសំរាកព្យាបាលបាន១ថ្ងៃ១ យប់និងដោយស្ថានភាពអ្នកជម្ងឺធ្ងន់ធ្ងរទៅហើយនោះយុវជនពលករនោះ ក៏បានស្លាប់ នៅវេលាម៉ោង០៤ទៀប ភ្លឺ កាលពីថ្ងៃទី២២ កុម្ភះ ឆ្នាំ២០១៦ កន្លងទៅនេះ ។ ហើយនៅថ្ងៃដដែល នេះក្រុមគ្រួសារ ក៏ បានដឹកសាកសព ទៅធ្វើបុណ្យតាមប្រពៃណីនៅស្រុកកំណើតក្នុងភូមិ ឃុំខាងលើ…៕.
