មណ្ឌលគិរី´ អាវុធហត្ថខេត្តសហការណ៏ជាមួយអាវុធហត្ថស្រុក អូររាំង នឹងស្រុកកែរសីមា បង្ក្រាបបានរថយន្តដឹកឈើខុសច្បាប់ចំនួន ០២ គ្រឿង ត្រង់ចំណុច ភូមិ ឆ្នែង ឃុំ ស្រែខ្ទុម ស្រុកកែវសីម៉ា ខេត្ត មណ្ឌលគិរី នៅយប់ ថ្ងៃទី ២៣ ខែ កុម្ភះ ឆ្នាំ ២០១៦។
មន្ត្រីអាវុធហត្ថខេត្តមណ្ឌលគិរីបានឲ្យដឹងថា ដោយមានបទបញ្ជាពីមេបញ្ជាការខេត្ត កម្លាំងចំនួន០៨ នាក់ បានជិះរថយន្ត ៤ គ្រឿង ចុះបង្ក្រាបបានរថយន្តដឹកឈើខុសច្បាប់ចំនួន២គ្រឿង ប្រគល់អោយជំនាញរដ្ឋបាលព្រៃឈើ។រថយន្តទី០១ . ចាប់បាននៅវេលាម៉ោង ០៩.០០ នាទី យប់ស្ថិតនៅភូមិ ឆ្នែង ឃុំ ស្រែខ្ទុម ស្រុក កែវសីម៉ា ខេត្ត មណ្ឌលគិរី រថយន្តម៉ាក Toyota 4renner ពណ៏ ស្ករ ស្លាកលេខ 2F 1828 ដឹកឈើខុសច្បាប់ប្រភេទ ធ្នង់ ចំនួន ១០ ដុំ នឹង បានឃាត់ខ្លួនអ្នកបើកបរ ០១ នាក់ ឈ្មោះ ញឹម រឿង ភេទ ប្រុស អាយុ ៣៨ ឆ្នាំ ជនជាតិ ខ្មែរ មុខរបរ អ្នកបើកបររថយន្ត រស់នៅភូមិឃុំខាងលើ ។រថយន្តទី ០២ . ចាប់បាននៅវេលាម៉ោង ០៦ .៣០ នាទី ព្រឹក ស្ថិតនៅភូមិ ឆ្នែង ឃុំ ស្រែខ្ទុម ស្រុកកែវសីម៉ា ខេត្តមណ្ឌលគិរី រថយន្តម៉ាក Camary ឆ្នាំ ២០០២ ពណ៏ ទឹកប្រាក់ ពាក់ស្លាកលេខ 2 J 3487 ដឹកឈេីខុសប្រភេទធ្នង់ចំនួន ០៦ ដុំ រថយន្តនឹងឈើទាំងអស់រួមទាំងបើកបរ នឹងត្រូវបំពេញបែបបទប្រគល់ឲ្យខាង មន្ត្រីជំនាញរដ្ឋបាលព្រៃឈើ ស្នាក់ការអភិរក្សជីវៈចម្រុះស្រុកកែសីមា នៅរសៀលថ្ងៃទី២៤។
ប្រភពប្រជាពលរដ្ឋដែលបានឃើញប្រតិបត្តិការណ៏ចាប់បង្ក្រាបបទល្មើសព្រៃឈើខាងលើបាននិយាយថា មុខពេលក្រុមអាវុធហត្ថចាប់ឡានដឹកឈើទាំងពីរគ្រឿង គឺមុនម៉ោង៩យប់ក្រុមអាវុធហត្ថដែលដឹកនាំដោយលោក រុន ឌឿន នាយការិយាល័យបច្ចេកទេសនៃបញ្ជាការដ្ឋានកងរាជអាវុធហត្ថខេត្ត បានចាប់ឃាត់រថយន្តម៉ាកកាមរីស្វិតពីរគ្រឿង របស់ឈ្មោះ រ័ត្ន ជាមន្ត្រីអាវុធហត្ថដែលមានវត្តមានក្នុងប្រតិបត្តិការចាប់ឡានដឹកឈើខាងលើនេះដែរ។ប្រភពដដែលបន្តថា ក្រោយពីការដោះលែងឲ្យឡានកាមរីស្វិតដែឡដឹកឈើពេញៗនោះទៅបាត់ នៅវេលាម៉ោងប្រមាណជា៩យប់ដដែល ក្រុមអាវុធហត្ថដែលបានដោះលែងរថយន្តកាមរីស្វិត ក៏ចាប់បានឡានដឹកឈើពីរគ្រឿងទៀតគឺ មួយគ្រឿងម៉ាក4runner នឹងកាមរីបាឡែន រួចយកមករក្សាទុកនៅស្នាក់ការសន្តិសុខលេខ៧៦១ ដើម្បីយកស្នាដៃជូនថ្នាក់លើមើលលេង ក្រោមការរិះគន់យ៉ាងចាស់ដៃរបស់ប្រជាពលរដ្ឋ ព្រោះតែឡានដឹកឈើរបស់គ្នីគ្នាឯង គេចាប់បានហើយដោះលែងវិញ ចំណែកឡានគេផ្សេងចាប់បានហើយអូសកាត់ផ្លូវ ដូចល្ខោនឲ្យប្រជាជនមើលថា ក្រុមខ្លួនបានចេញមុខសស្រាក់សស្រាំក្នុងការបង្ក្រាមបទល្មើសព្រៃឈើ។
អាវុធហត្ថខេត្តមណ្ឌលគិរី ក្នុងខែកុម្ភះនេះត្រូវគេមើលឃើញថា កំពុងយីអ៊ុនដាក់អារក្សជាន់យ៉ាងខ្លាំងតាំងពី មេបញ្ជាការរហូតដល់មន្ត្រីក្រោមឱវ៉ាទ ព្រោះតែជាប់ពាក់ព័ន្ឋជាមួយបទល្មើសព្រៃឈើ ។ស្របពេលដែលនាយឧត្តមសេនីយ៏ សៅ សុខា អគ្គមេបញ្ជាការកងរាជអាវុធហត្ថលើផ្ទៃប្រទេស បានប្រមានក្រុមអ្នកសារព័ត៌មានថា អាចនឹងជាប់ទោសទណ្ឌក្នុងបទល្មើសព្រៃឈើ តែបើគេប្រឡែក មើលទៅកូនចៅរបស់លោក នាយឧត្តមសេនីយ៏វិញ អាចហ្នឹងក្លាយទៅជាសម្លម្ជូកំពឹសផងក៏មិនដឹង ព្រោះតែខ្លះ រកស៊ីដោយផ្ទាល់ នឹងខ្លះទៀត ជាអ្នកដើរកត់ក្បាលឡានដឹកឈើយកលុយរាល់ថ្ងៃខែ។
ជាក់ស្តែងនៅស្រុកកែវសីមា អាវុធហត្ថដែលជាប់ពាក់ព័ន្ឋជាមួយបទល្មើសព្រៃឈើ ដែលរកស៊ីផ្ទាល់មានឈ្មោះដូចជា លោក ស៊ូ សុវណ្ណធី មេបញ្ជាការរងអាវុធហត្ថស្រុក លោក ញឹក សុវណ្ណរ័ត្ន អាវុធហត្ថខេត្ត លោក ស្នា មេបញ្ជាការរងអាវុធហត្ថស្នាក់ការ៧៦១ប្រចាំស្រុកកែវសីមា លោកជា វណ្ណណាក់ អាវុធហត្ថខេត្តទទួលទិសស្រុកកែវសីមា ចំណែកអាវុធហត្ថដែលមានឈ្មោះជាប់ក្នុងការរាប់ក្បាលឡានដឹកឈើដាក់ខែ មានឈ្មោះ ប៉ៃ លិន មេបញ្ជាការរងអាវុធហត្ថស្រុកកែវសីមាទទួលកញ្ចប់ឲ្យលោក សាក់ សារុន មេបញ្ជាការអាវុធហត្ថស្រុកកែវសីមា ឈ្មោះ ស្នា មេបញ្ជាការរងអាវុធហត្ថស្នាក់ការ៧៦១ទទួលកញ្ចប់ឲ្យលោក សាក់ សាគុណ មេស្នាក់ការសន្តិសុខលេខ៧៦១ រួមទាំងលោក តុប វ៉ាត មន្ត្រីអាវុធហត្ថលើផ្ទៃប្រទេសប្រចាំនៅអភិរក្សជីវចម្រុះសីមា ក៏ជាអ្នកមានឥទ្ឋិពល ក្នុងការប្រមូលលុយបទល្មើសព្រៃឈើក្នុងដែនអភិរក្ស ឲ្យទៅលោក មាគ វុឌ្ឋី ដែលជាប្រធានគម្រោងអភិរក្ស៕
