ខេត្តព្រះវិហារ ជាលើកដំបូងហើយដែលមន្ទីរអប់រំយុជននិងកីទ្បាខេត្តនិងមន្ទីរបរិស្ថានខេត្តព្រះវិហារបានរៀបចំពិធីជួបជុំសិស្សានុសិស្សប្រមាណ៤០០នាក់ដើម្បីចូលរួមសម្អាតបរិស្ថានតាមដងផ្លូវសំខាន់ៗអោយមានអនាម័យល្អនៅព្រឹកថ្ងៃទី២៤កុម្ភះ២០១៦ស្ថិតនៅក្នុងបរិវេណមណ្ឌលកីទ្បាខេត្ត។សិស្សានុសិស្សទាំងអស់នោះមកពីសាលាវិទ្យាល័យហ៊ុនសែនត្បែងមានជ័យនិងវិទ្យាល័យជាស៊ីមត្បែងមានជ័យស្ថិតក្នុងក្រុងព្រះវិហារ។
ទិដ្ឋភាពសិស្សានុសិស្សដើររើសសំរាមដែលភាគច្រើនជាថង់ផ្លាស្ទិចនិងសំណល់រឹងផ្សេងៗដែលអ្នកដំណើរនិងពលរដ្ឋរស់នៅតាមដងផ្លូវក្រុងព្រះវិហារបោះចោលអារាត់អារាយតាមទីសាធារណះដែលសង្កេតយើងឃើញមិនមានធុងសម្រាមនៅតាមមុខផ្ទះនិងហាងលក់ដូរគ្រប់គ្រាន់នោះទ្បើយ។ការដើររើសសម្រាមចំណាយពេលតែបន្តិចគឺទទួលបានលទ្ធផលល្អឃើញថាស្រទ្បះមុខស្រទ្បះមាត់ផងដែរ។
មហាជនមួយចំនួនមានការកោតសសើរចំពោះសកម្មភាពសិស្សានុសិស្សដែលខំចំណាយពេលជួយការងារសង្គមក្នុងការសម្អាតបរិស្ថានអោយមានអនាម័យល្អសុខភាពល្អនិងជាគំរូសម្រាប់អោយប្រជាពលរដ្ឋភ្ញាក់រលឹកដើម្បីគ្រប់គ្រងសម្រាមផ្សេងៗអោយមានសណ្តាប់ធ្នាប់ល្អទ្បើងវិញឈានទៅលើកស្ទួយវិស័យទេសចរណ៍។
សិស្សសាលាមួយចំនួនបាននិយាយប្រាប់អ្នកសារព័ត៌មានថាការនាំគ្នាដើររើសសម្រាមដើម្បីសម្អាតបរិស្ថានអោយទទួលបានអនាម័យល្អនៅព្រឹកថ្ងៃទី២៤កុម្ភះនេះជាគំនិតផ្តួចផ្តើមរបស់មន្ទីរអប់រំយុវជននិងកីទ្បាខេត្តព្រះវិហារហើយពួកគេរីករាយនិងពេញចិត្តចំពោះការងារមួយនេះផងដែរ៕
