ឧត្តរមានជ័យ៖.កាលពីវេលាម៉ោង៤និង១០នាទីរសៀលថ្ងៃទី២៦ ខែកុម្ភះ ឆ្នាំ២០១៦ សាយវៀនបញ្ជុលមាន់មួយកន្លែងត្រូវបានកម្លាំងសមត្ថកិច្ចវរសេនាតូច ការពារព្រំដែនគោកលេខ៩០៥ សហការជាមួយនគរបាលប៉ុស្តិ៍ ឃុំត្រពាំងតាវ បានចុះបង្ក្រាបទីតាំងបញ្ជុលមាន់ នៅចំណុចអូរអំពិល ស្ថិតនៅក្នុងភូមិថ្មី ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។លោកវរសេនីយ៍ទោ ស៊ុំ សារឿន មេបញ្ជាការនគរបាលវរសេនាតូចការពារព្រំដែនគោកលេខ៩០៥បានឲ្យដឹងថា នៅពេលកំលាំងសមត្ថកិច្ចប៉ូលិសយើងបានចុះ ទៅដល់ពួកអ្នកលេងល្បែងបញ្ជុលមាន់ ក៏បានរត់អស់រលីង ដោយបន្សល់ទុកនូវ វត្ថុតាងរួមមាន មាន់ចំនួន៤ក្បាល. ស៊ុំដាក់មាន់ចំនួន២.ម៉ូតូចំនួន៥គ្រឿង.របងសាយវៀន១។លោកវរសេនីយ៍ទោស៊ុំ សារឿន មេបញ្ជាការប៉ូលិសព្រំដែន បានឲ្យដឹងទៀតថា នៅពេលបច្ចុប្បន្ន វត្ថុតាងទាំងអស់ត្រូវបញ្ជូនទៅអធិការនគរបាលស្រុកអន្លង់វែង ដើម្បីដោះស្រាយគ្នាទៅតាមនិតិវិធីច្បាប់៕
