ខេត្តពោធិ៍សាត់៖ ផ្ទះរបស់គ្រួសារកសិករក្នុងមួយគ្រួសារដែលប្ដីប្រពន្ធមានវ័យ៧០ឆ្នាំប្លាយហើយនោះ ត្រូវបានអគ្គីភ័យឆាប់ឆេះគ្មានប្រណីគ្មានសល់រួមទាំងទ្រព្យសម្បត្តិនៅលើផ្ទះនឹងជង្រុកដាក់ស្រូវក៍ឆ្លងឆាប់ឆេះគ្មានសល់ដែរ ដោយសាតែកូនដាំបាយរូចចុះបិតទ្វាចេញពីផ្ទះអស់។
ហេតុការណ៍នេះបានកើតឡើងកាលពីវេលាម៉ោង២និង១០នាទីរសៀលថ្ងៃទី២៨ ខែកុម្ភះ ឆ្នាំ២០១៦ ស្ថិតក្នុងភួមិស្ទឹងកំបុត ឃុំត្រពាំងជង ស្រុកបាកាន ខេត្តពោធិ៍សាត់។ ព័ត៍មាន ជាបឋមពីអាជ្ញាធរមូលដ្ឋាន បានឲ្យដឹងថា គ្រួសារត្រូវភ្លើងឆេះផ្ទះអស់នេះ គឺពួកគាត់ទាំងពីនាក់មានវ័យ៧០ឆ្នាំប្លាយ ដោយពួកគាត់ទាំងពីរវល់ទៅវត្ត ទុកឲ្យកូនៗ នៅផ្ទះ ស្រាប់តែកូនបានដាំបាយឆ្អិនហើយទុកចោល មិនបានពន្លត់ភ្លើងចង្ក្រានចុះបិតទ្វាទៅផ្ទះបងប្អូនអស់បាត់ ហើយបានត្រខ្យល់ក៍បង្កាត់ទៅជាអគ្គីភ័យ ឆេះផ្ទះ ហើយឆ្លងឆេះជង្រុកស្រូវអស់ ដោយអ្នកទាំងពីមកពីវត្តវិញបានត្រឹមសម្រក់ទឹកភ្នែកប៉ុណ្ណោះ៕
