ភ្នំពេញ៖រថយន្តឡិចស៊ីស៥៧០មួយគ្រឿងបានបើកបទឆ្លងផ្លូវលឿនមិនប្រយ័ត្ន ត្រូវបានរថយន្តតូយ៉ូតាប្រាយតុន បើកបុកចំពីមុខពេញទំហឹងបណ្ដាលឲ្យរងការខូចខាតទាំងសងខាង។ហេតុការគ្រោះថ្នាក់ចរាចរណ៍ខាងលើនេះបានកើតឡើកាលពីវេលាម៉ោង២១និង៣០នាទីយប់ ថ្ងៃទី២៨ ខែកុម្ភះ ឆ្នាំ២០១៦ នៅចំណុចមុខហូតែល អិុនធ័រខន តាមបណ្ដោយផ្លូវម៉ៅសេទុង ស្ថិតក្នុងសង្កាត់ទំនប់ទឹក ខណ្ឌចំការមន។
បើតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើហេតុគឺមានរថយន្តឡិចស៊ីសLX570 ពណ៌ខ្មៅ ពាក់ស្លាកលេខភ្នំពេញ2Q.2588 បានបើកបរតាមបណ្ដោយផ្លូវម៉ៅសេទុង ពីត្បួងមកជើង ខណះមកដល់ចំណុចកើតហេតុក៏បានបទឆ្វេងទំនងជាប្រញាប់ឆ្លងចូលទៅហូតែល (អិនធ័រខន) ភ្លាមនោះស្រាប់តែមានរថយន្តតូយ៉ូតាប្រាយតុន ពណ៌ស ពាក់ស្លាកលេខភ្នំពេញ2U.2262 បានបើកមកពីជើងទៅត្បួងក្នុងល្បឿនលឿនហើយបានវ៉ាក់អើជាមួយនិងរថយន្តឡិចស៊ីសនោះ ក៏បានបុកគ្នាចំពីមុខពេញទំហឹងបណ្ដាលឲ្យរងការខូចខាតទាំងសងខាង តែសំណាងល្អដែលមិនបណ្ដាលឲ្យមនុស្សណាម្នាក់រងរបួសធ្ងន់ធ្ងន។
ក្រោយពេលកើតហេតុភាគីទាំងសងខាងបានសម្របសម្រួលគ្នាអស់រយះពេលជិត១ម៉ោងតែមិនត្រូវគ្នានោះទេ ទើបសមត្ថកិច្ចជំនាញធ្វើការវាស់វែងយករថយន្តទាំងពីរគ្រឿងនោះទៅរក្សាទុកនៅឯការិយាល័យចរាចរណ៍ជើងគោករាជធានីភ្នំពេញ រងចាំដោះស្រាយគ្នាតាមនីតិវិធី នៅពេលក្រោយ ៕ដោយ៖ជីម ភារ៉ា
