ភ្នំពេញ៖បុរសវៀតណាមម្នាក់ ត្រូវបានដួលប្លោងបោកនិងថ្នល់បែកក្បាលហូរឈាមស្លាប់ភ្លាមៗនៅនិងកន្លែងកើតហេតុ ក្រោយពីរជិះបើកម៉ូតូសង់ឌ្រីមC១២៥ ១គ្រឿងពីរត្បូងមកជើង បានរ៉េចង្កូតជ្រុលទៅបុកចំពីរមុខ រថយន្ដហាយឡែនឌើរពេញទំហឹងដែលធ្វើដំណើរបញ្ច្រាស់ទិសពីរជើងមកត្បូង ទើបបង្កឲ្យមានការភ្ញាក់ផ្អើលនៅវេលាម៉ោង១០និង៤០នាទីយប់ ថ្ងៃទី ២៨ ខែ កុម្ភះ ឆ្នាំ ២០១៦ នៅចំណុចលើកំណាត់ផ្លូវជាតិលេខ៥ ទល់មុខឃ្លាំងសាំងសូរគីម៉ិច ក្រុមទី១ ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។
នាយប៉ុស្ដិ៍ឫស្សីកែវ លោក តូច គឹមសុង បានប្រាប់ fresh news ថា ជនរងគ្រោះដែលបានស្លាប់បាត់បង់ជីវិតឈ្មោះហ្វុង ឌឹកចុក ភេទប្រុស ស្នាក់នៅ១ក ឃុំស្វាយរលំ ស្រុកស្អាង ខេត្តកណ្ដាល និងជាអ្នកបើកបរម៉ូតូម៉ាកសង់ឌ្រីម C១២៥ ពណ៍ខ្មៅ ពាក់ស្លាកលេខសៀមរាប១H២០៩៤ រីឯអ្នកបើកបររថយន្ដបង្កឈ្មោះចាយ ទីល ភេទប្រុស អាយុ ២៧ឆ្នាំ បើកបររថយន្តម៉ាកហាយឡែនឌើរ ព៍ណស គ្មានស្លាកលេខ។នាយប៉ុស្ដិ៍ឫស្សីកែវ លោក តូច គឹមសុង បានបន្តថា តាមសាក្សីនៅកន្លែងកើតហេតុ មុនកើតហេតុ
គេបានឃើញ រថយន្ដបង្កខាងលើបើកបរដោយបុរសម្នាក់ យ៉ាងលឿនក្នុងទិសដៅពីរជើងទៅត្បូងដោយបញ្ច្រាស់ទិសជាមួយនិងម៉ូតូសង់ឌ្រីC១២៥ ដែលបើកបរម្នាក់ឯងដូចគ្នាក្នុងទិសដៅពីរត្បូងទៅជើង លុះមកដល់ចំណុចកើតហេតុ ម៉ូតូសង់ឌ្រីមបានឡាគួររ៉េចង្កូតទៅបុករថយន្ដចំពីរចំហៀងខាងមុខពេញទំហឹង បណ្ដាលឲ្យដួលប្លោងបោកក្បាលនិងថ្នល់ហូរឈាមស្លាប់មួយរំពេជ ដោយឡែករថយន្ដបង្ក និងអ្នកបើកបរត្រូវបាន ប្រជាពលរដ្ឋនិងកម្លាំងសមត្ថកិច្ចចាប់ឃាត់ខ្លួនភ្លាមៗផងដែរ។
ក្រោយកើតហេតុ កម្លាំងសមត្ថកិច្ចប៉ុស្ដិ៍ឫស្សីកែវសហការនិងកម្លាំងការិយាល័យនគរបាលចរាចរផ្លូវគោកនៃស្នងការដ្ឋាននគរបាលរាជធានីភ្នំពេញធ្វើការវាស់វែងដោយសម្រេចនាំខ្លួនជនបង្កនិងយកម៉ូតូរងគ្រោះរួមទាំងរថយន្ដបង្ក ទៅរក្សាទុកដើម្បីរងចាំការដោះស្រាយគ្នាតាមផ្លូវច្បាប់នៅពេលក្រោយ ចំណែក សព រងគ្រោះសមត្ថកិច្ចបានស្រាវជ្រាវរកក្រុមគ្រួសារដើម្បីមកទទួលយកទៅធ្វើបុណ្យតាមប្រពៃណី ៕កំសាន្ដ
