ភ្នំពេញ ៖ យុវជនម្នាក់ស្រវឹងស្រា បានបើករថយន្តសេរីទំនើបក្នុងល្បឿនយ៉ាងលឿន បត់ឆ្លងផ្លូវបួងចង្កូតមិនទាន់បានហោះទៅបុករទេះលក់មាន់បង្វិល រួចធ្លាក់ប្រឡាយទឹកស្អុយ បណ្តាលឱ្យរងការខូចខាតរថយន្ត សំណាងល្អអ្នកបើករថយន្តមិនរងរបួស ។ ហេតុការណ៍
ភ្ញាក់ផ្អើលខាងលើនេះបានកើតឡើងកាលពីវេលាម៉ោង១នឹង២៥នាទីរំលងអាធ្រាតឈានចូលថ្ងៃទី២៩ ខែកុម្ភៈ ឆ្នាំ២០១៦ នៅចំណុចគល់ស្ពានដែកចំការដូង ស្ថិតក្នុងភូមិឬស្សី១ សង្កាត់ស្ទឹងមានជ័យ ខណ្ឌមានជ័យ ។
ប្រភពពត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញរថយន្តសេរីទំនើប ពណ៍ស្ករ សេរីម៉ាក MC ពាក់ស្លាកលេខ ភ្នំពេញ 2AE-8055 បើកបរដោយយុជនម្នាក់ដែលស្រវឹងស្រាជោគជាំបានបើកតាមបណ្តោយផ្លូវលេខ៣៧១ ទិសដៅពីកើតទៅលិចក្នុងល្បឿនយ៉ាងលឿន ខណះមកដល់ចំណុចកើតហេតុ បានបត់ភ្លាមៗ តែបួងចង្កូតមិនទាន់ បានហោះទៅបុករទះលក់មាន់ និងធ្លាក់ប្រឡាយទឹកស្អុយ បណ្តាលឱ្យរងការខូចខាតយ៉ាងដំណំ តែសំណាងល្អមិនមាននណារម្នាក់រងរបួស ។ ភ្លាមៗនោះសមត្ថកិច្ចដែលប្រចាំការនៅគល់ស្ពាន បានឃាត់ម្ចាស់រថយន្តឱ្យដោះស្រាយជាមួយម្ចាស់រទេះរងគ្រោះ ប៉ុន្តែបែរជាយុជនម្នាក់នោះ និយាយទាំងអាការៈស្រវឹងថា មិនសងនោះទេបើចង់ទៅដល់ណាក៏ទៅៗព្រោះគេអ៊ាងខាងសារិនមកដោះស្រាយឲ្យ ។
ក្រោយមកក្រុមគ្រួសារជនបង្កបានមកដោះស្រាយសំណង់ឱ្យជនរងគ្រោះដែលជាម្ចាស់រទះរងគ្រោះ រួចក៏ហៅរថយន្តស្ទូច ឱ្យមកស្ទូចយករថយន្តខ្លួនយកទៅជួសជុលដោយខ្លួនឯង ៕
ជីម ភារ៉ា
