ភ្នំពេញៈ លោកជំទាវ ឧបនាយករដ្ឋមន្ត្រីម៉ែន សំអន រដ្ឋមន្ត្រីកសួងទំនាក់ទំនងជា មួយរដ្ឋសភាព្រឹទ្ធសភានិងអធិការកិច្ចនៅថ្ងៃទី១ខែមីនា នេះ បានចូលរួមអបអរសាទរខួបលើកទី១០៥ទិវា
នៃនារីអន្តរជាតិ៨មីនាឆ្នាំ២០១៦ ជាមួយនារីតាមមន្ទីរខេត្ត ក្រុងនានាចំណុះក្រសួង ទំនាក់ទំនងជា មួយរដ្ឋសភាព្រឹទ្ធសភានិងអធិការកិច្ច។
នៅក្នុងឱកាសនោះដែរលោកជំទាវ ឧបនាយករដ្ឋមន្ត្រី ម៉ែន សំអន មានប្រសាសន៏បញ្ជាក់ថា, ខួបលើកទី១០៥ទិវានៃនារីអន្តរជាតិ៨មីនាឆ្នាំ២០១៦ រាជរដ្ឋាភិបាលកម្ពុជាបាន ជ្រើសរើសប្រធានបទស្តីពី ការវិនិយោគលើសមភាពយ៉េនឌ័រដើម្បីប្រកបដោយចីរភាព”ដែលជួយជំរុញ
បន្ថែមទៀតនូវសមភាពយេនឌ័រ ការ បង្កើនភាពអង់អាចស្ត្រី និងក្មេងស្រីដែលមានរៈសំខាន់ណាស់ក្នុងការចូលរួមសំរេចបាននូវកំនើនសេដ្ឋកិច្ចប្រកបដោយសមធម៌។នៅក្នុងយុទ្ធសាស្ត្ររាជរដ្ឋាភិបាលដំ ណាក់កាលទី១,២និងទី៣បានកំណត់ថា”ស្ត្រីជាឆ្អឹងខ្នងសេដ្ឋកិច្ចជាតិ”ជាមួយនេះសម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី បានគាំទ្រនិងលើកកំពស់តួនាទីស្ត្រីឲ្យកាន់តែសំខាន់កាន់តែសកម្មដើម្បីរួមចំណែកក្នុហការអភិ វឌ្ឍន៏សង្គម សេដ្ឋកិច្ច និងបាន ចាត់ ទុកស្ត្រីជាត្បូង មានតម្លៃពុំអាច កាត់ថ្លៃបាន។
កន្លងមកសម្តេចតេជោ នាយករដ្ឋមន្ត្រីបានគាំទ្រយកចិត្តទុកដាក់និងផ្តល់កញ្ចប់ថវិកាជូនដល់ក្រុមប្រឹក្សាជាតិដើម្បីស្ត្រី គណកម្មការជាតិលើក កំពស់សីលធម៌សង្គមតម្លៃស្ត្រី និងគ្រួសារខ្មែរព្រមទាំងក្រសួងកិច្ចការនារីដើម្បីបំរើសកម្មភាពការពារស្ត្រី ជាមួយគ្នានោះដែរសម្តេចកិត្តិព្រឹទ្ធ បណ្ឌិត ប្រធានកាកបាទក្រហមកម្ពុជាតែងតែជួយជនរងគ្រោះដោយ មិនប្រកាន់បក្សនយោបាយអ្វីឡើយ ។សម្តេចកិត្តិព្រឹទ្ធបណ្ឌិត បានដើរតួ នាទីយ៉ាងសកម្មក្នុងការងារអភិវឌ្ឍន៏ ស្ត្រី រួមមានការបង្កើតតំបន់អភិវឌ្ឍន៏ស្ត្រីខ្មែរជាច្រើន ដើម្បីបណ្តុះបណ្តាល ជំនាញវិជ្ជាជីវៈ ការថែទាំសុខភាពការផ្តល់កិច្ចគាំពារនានានិងជួយដោះស្រាយទុក្ខលំបាកផ្សេងៗដល់ស្ត្រីទីទាល់ក្រនិងងាយរងគ្រោះ។
លោកជំទាវឧបនាយករដ្ឋមន្ត្រី មានប្រសាសន៏បញ្ជាក់ទៀតថា;បច្ចុប្បន្ន ស្ត្រីកម្ពុជាមានតួនាទីកាន់តែខ្ពស់ក្នុងសង្គមនិងក្នុងការដឹកនាំប្រទេសដូចជាមានតួនាទីជា សមាជិកសភា ព្រឹទ្ធសភា និងជាឧបនាយករដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការ និងថ្នាក់ក្រោមជាតិមានស្ត្រីជា អភិបាលរង រាជធានី ខេត្ត ក្រុង និងជាសមាជិកក្រុមប្រឹក្សាឃុំ សង្កាត់ ហើយក្នុងជួរកងកំលាំងប្រដាប់អាវុធ មានស្ត្រី ជានាយឧត្តម សេនីយ៏ផ្កាយមាសបួននិង ខ្លះជាមេបញ្ជាការរងជានាយនគរបាល។ល។
ដោយឡែកនៅក្នុងវិស័យឯកជនស្ត្រី បានក្លាយជាប្រធាន អគ្គនាយក និង អ្នកចាត់ការនិងជាសហគ្រិនដ៏មានឥទ្ធិពល ហើយសិស្សស្ត្រីក៏មានសមត្ថភាពរៀនពូកែនិងឆ្លាតឈ្លាសវៃមិនៗចាញ់សិស្ស និងនិស្សិតប្រុសៗឡើយ៕
