ភ្នំពេញ៖អធិការនគរបាលខណ្ឌឫស្សីកែវ លោក ទៀង ច័ន្ទសារ បានឲ្យ សហការីទូរទស្សន៍អប្សារាប៉ុស្ដិ៍លេខ១១ ដឹងនៅរសៀលថ្ងៃទី ០១ ខែ មិនា ឆ្នាំ ២០១៦នេះថា កម្លាំងនគរបាលរបស់លោក មានទាំងកម្លាំងនគរបាលប៉ុស្ដិ៍ស្វាយប៉ាក បានស្រាវជ្រាវឈានដល់ការ ចុះបង្ក្រាបឃាត់ខ្លួនជនចែកចាយនូវសារធាតុញៀនចំនួន២នាក់ដោយដកហូតថ្នាំញៀនចំនួន៣៩កញ្ចប់ នៅចំណុចផ្លូវលំ ក្រុម៧ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ ។
ជនត្រូវឃាត់ខ្លួនពាក់ព័ន្ធជួញដូរនូវសារធាតុញៀនដោយខុសច្បាប់១ឈ្មោះវៀង តាយ ភេទប្រុស អាយុ១៧ឆ្នាំ មុខរបមិនពិតប្រាកដ ២ឈ្មោះ សុខស្រីវី ភេទស្រី អាយុ១៨ឆ្នាំ មុខរបមិនពិតប្រាកដ អ្នកទាំង២ស្នាក់ក្បែរចំ ណុចកើតហេតុខាងលើ ។
លោក ទៀង ច័ន្ទសារ អធិការនគរបាលខណ្ឌឫស្សីកែវបានបន្តថា ថ្វីបើបទល្មើសគ្រឿង ជាបញ្ហាប្រឈមនិងសង្គម ក៍ពិតមែនដោយឡែក កម្លាំងនគរបាលខណ្ឌឫស្សីកែវ និងកម្លាំងនគរបាលប៉ុស្ដិ៍នៅតែបន្ត ស៊ើបអង្កេត និងបង្ក្រាបជាបន្តបន្ទាប់ ដោយនូវរសៀលថ្ងៃនេះ កម្លាំងនគរបាលខណ្ឌសហការនិងកម្លាំងនគរបាលប៉ុស្ដិ៍ស្វាយប៉ាក បានបើកប្រតិបត្តិការបង្ក្រាប ឃាត់ខ្លួនជនសង្ស័យចំនួន២នាក់ ព្រមទាំងរកឃើញថ្នាំញៀន ជាប្រភេទម៉ាទឹកកកចំនួន៣៩កញ្ចប់ ដែលជនទាំងនេះបានរក្សាទុកធ្វើសកម្មភាពជួញដូរ ។
ក្រោយឃាត់ខ្លួន ជនពាក់ព័ន្ធការជួញដូរនូវសារធាតុ ទាំង២នាក់ រួមនិងវត្ថុតាង ត្រូវបានបញ្ជូនទៅឃុំខ្លួន សាកសួរនៅអធិការនគរបាលខណ្ឌឫស្សីកែវ ដើម្បីបន្តនិតិវិធី កសាងសំនុំរឿងបញ្ជូនខ្លួនទៅកាន់ អយ្យការសាលាដំបូងរាជធានីភ្នំពេញ ចាត់ការតាមច្បាប់ ៕
ហាស់ កំសាន្ដ
