មណ្ឌលគិរី៖ កម្លាំងនគរបាល នៃស្នងការដ្ឋាននគរបាលខេត្តមណ្ឌលគិរី ដឹកនាំដោយលោកវរះសេនីយ៍ឯក ម៉ីអាន ស្នងការរងកណ្តាលប្រឆាំងបទល្មើស និង លោកវរះសេនីយ៍ឯក ទូច ដាណារ៉ា ស្នងការរងទទួលកិច្ចការព្រំដែន តំណាងដ៏ខ្ពង់ខ្ពស់របស់លោកឧត្តមសេនីយ៍ត្រី តូច យ៉ុន ស្នងការនគរបាលខេត្តមណ្ឌលគិរី បាននាំយកគ្រឿងឧបភោគ បរិភោគ និងថវិកាមួយចំនួន ទៅចែកជូនដល់កម្លាំងនគរបាលដែលប្រចាំការនៅក្រុមហ៊ុនដាយណាម កាលពីថ្ងៃទី០១ ខែមីនា ឆ្នាំ២០១៦នេះ ។
លោកវរះសេនីយ៍ឯក មុី អាន ស្នងការរងកណ្តាលប្រឆាំងបទល្មើសបានមានប្រសាសន៍ថា គ្រឿងឧបភោគ បរិភោគ និងថវិកាចំនួន១លាន៤សែនរៀលគីសម្រាប់យកមកផ្តល់ជូនដល់កម្លាំងនគរបាលដែលប្រចាំការនៅគោលដៅក្រុមហ៊ុនដាយណាម សម្រាប់ដោះស្រាយការហូបចុកប្រចាំថ្ងៃ ហើយគ្រឿងឧបភោគ បរិភោគ ដែលផ្តល់ជូននាពេលនោះរួមមាន អង្ករចំនួន៦បេ ត្រីខចំនួន១២យួ ប្រេងឆាចំនួន១ឡូ ប៊ីចេងចំនួន៣គីឡូក្រាមនឹងទឹកសុទ្ធចំនួន៥កេះ៕ដោយប៊ូស្រា
