៖ខេត្តស្វាយរៀង:រថយន្តដឹកហ្គាសរបស់ក្រុមហ៊ុន LPGក្រឡាប់ធ្លាក់ផ្លូវផ្ងាជើងរងរបួសធ្ងន់សង្ស័យអ្នកបើកបរងងុយដេកនិងបង្កឲ្យមានការភ័យខ្លាចដល់់ប្រជាពលរដ្ឋរស់នៅជិតកន្លែងកើតហេតុនោះ។ករណីរថយន្តដឹកហ្គាសក្រឡាប់ផ្ងាជើងនេះបានកើតឡើងកាលពីវេលាម៉ោង២រំលងអាត្រាធឈានចូលថ្ងៃទី២ខែមិនាឆ្នាំ២០១៦នៅលើកំណាត់ផ្លូវជាតិលេខ១ស្ថិតក្នុងភូមិ ព្រៃទុប សង្កាត់ ច្រកម្ទេស ក្រុង បាវិត ខេត្ត ស្វាយរៀង។បើតាមសមត្ថកិច្ចបានឲ្យដឹងថា៖រថយន្តដឹកហ្គាសចំណុះប្រហែល១៥តោននោះបានក្រឡាប់ផ្ងាជើងធ្លាក់មកខាងជើងសង្ស័យអ្នកើបរងងុយដេក។ហើយរថយន្តដឹកហ្គាសនេះ ពណ៌ ខៀវ ពាក់ស្លាកលេខ ភ្នំពេញ 3B 4667 របស់ក្រុមហ៊ុន LPG ដែលធ្វើដំណើរពីកើតមកលិចលុះដល់ចំនុចកើតហេតុខាងលើក៏រេចង្កួតធ្លាក់ផ្លូវក្រឡាប់ផ្ងាជើងតែម្តងនិងអ្នកបើកបររងរបួសធ្ងន់ត្រូវដឹកយកទៅសង្គ្រោះនៅមន្ទីរពេទ្យ។ប្រភពខាងលើបានបន្តឲ្យដឹងទៀតថា៖ក្រោយពីរថយន្តដឹកហ្គាសនេះក្រឡាប់នោះនៅម៉ោង៦ព្រឹកសមត្ថកិច្ចក៏បានហៅរថយន្តស្ទូចមកស្ទូចក៏ប៉ុន្តែរថយន្តស្ទូចមិនហ៊ានស្ទូចនោះទេពីព្រោះរថយន្តដឹកហ្គាសមានធ្លាយហ្គាសចេញមកក្រៅខ្លាចមានគ្រោះថ្នាក់និងបង្កឲ្យមានការភ័យខ្លាចដល់ប្រជាពលរដ្ឋរស់នៅជិតកន្លែងកើតហេតុផងដែរ។ប្រភពដដែរបានឲ្យដឹងទៀតថា៖អ្នកបើកបរគេនៅពុំទាន់ស្គាល់អត្តសញ្ញាណនោះទេក្រោយពីកើតហេតុត្រូវបានរថយន្តសង្គ្រោះដឹកយកទៅសង្គ្រោះនៅមន្ទីពេទ្យហើយរហូតមកដល់ម៉ោង១១:៤០នាទីថ្ងៃដដែលនៅតែពុំទាន់ស្ទូចរថយន្តចេញពីកន្លែងកើតបាននោះទេ៕
