បន្ទាយមានជ័យ:មកដល់វេលានេះកម្លាំងសមត្តកិច្ចចម្រុះនៅបន្តឡោមព័ន្ធកាស៊ីណូរកចាប់ខ្លួនជនជាតិចិនជំរិតទាប្រាក់តាម ប្រព័ន្ធអនឡាញនៅឡើយ បញ្ជាក់ថា: កម្លាំនគរបាលចិនសហការនគរបាលរាជធានីភ្នំពេញ ឡោមព័ន្ធកាស៊ីណូ មួយកន្លែងឆែកឆេរ រកចាប់ខ្លួនជនជាតិចិន ជំរិតទាប្រាក់តាម ប្រព័ន្ធអនឡាញ និងអ៊ិនធឺណែត កាលពីវេលាម៉ោង ១២.៣០នាទី ថ្ងៃទី០២ ខែមីនា ឆ្នាំ២០១៦ នៅក្បែរព្រំដែន ស្ថិតក្រុងប៉ោយប៉ែត។
សមត្តកិច្ចក្រុងប៉ោយប៉ែត បានប្រាប់ថា៖ ពាក់ព័ន្ធការឡោមព័ទ្ធ ចូលឆែកឆេរ ក្នុងកាស៊ីណូមួយកន្លែង ក្រុងប៉ោយប៉ែត នេះគឺកម្លាំងមូលដ្ឋាន មិនចូលរួមខាងក្នុង កាស៊ីណូនោះទេ តែបានដឹង ព័ត៌មានខ្លះៗថា៖ កម្លាំងនគរបាលចិន បានសហការជាមួយ កម្លាំងនគរបាលជំនាញ រាជធានីភ្នំពេញ បានចុះឡោមព័ទ្ធ កាស៊ីណូឆែកឆេរ រកជនជាតិចិន បានចាប់ជំរិតទា លុយតាមប្រព័ន្ធ អនឡាញ និងអ៊ិនធឺណែត។
សមត្តកិច្ចបញ្ជាក់ថា៖ កម្លាំងមូលដ្ឋានគេមិនបានអោយ សហការតែអោយ នៅក្រៅវង្វង់ខ្សែ ការពារ តែកម្លាំងដែលចូល ឆែកឆេរ មានកម្លាំងនគរបាលមកពីប្រទេសចិន សហការកម្លាំង មកពីរាជធានីភ្នំពេញ។ ហើយការចូលឆែកឆេរ រហូតដលម៉ោងនេះ មិនដឹងថាទទួលលទ្ធផលនោះទេ តែបានដឹងខ្លះថា៖ ការចូលឆែកឆេរ នៅកាស៊ីណូហ្គោឌិន បន្ទប់វីអាយភីលេខ៣៣៣។ការចុះបង្ក្រាបនេះ មានជនជាតិចិនម្នាក់ ភ័យខ្លាំងពេកបានលោត ពីអាគារកំពស់ ជាច្រើនជាន់ ដើម្បីរត់គរខ្លួន បណ្តាលឲ្យធ្លាក់បាក់ម្ខាង ត្រូវគេបញ្ជូនទៅ សង្គ្រោះបន្ទាន់ភ្លាម។
ប្រភពក្នុងហេតុការណ៍លួចប្រាប់ថា :សមត្តកិច្ចបានឃាត់ខ្លួនជនជាតិចិន ប្រមាណ៦០ នាក់ ដែលសង្ស័យពាក់ព័ន្ធ ជំរិតទាប្រាក់តាម ប្រព័ន្ធអនឡាញ និងអ៊ិនធឺណែត នៅទីតាំងនេះ៕ដោយ: ឃិន គន្ធា
