ភ្នំពេញ៖យុវជនម្នាក់ជាជនញៀនថ្នាំនិងសង្ស័យបែកថ្នាំ បានទាញកាំបិតប៉ាំងតោគ្រវីគ្រវាត់ដេញកាប់ម្ដាយរបស់ខ្លួនទាំងព្រឹកព្រលឹម តែសំណាងល្អអ្នកម្ដាយពុំមានរបួស បង្កឲ្យមានការភ្ញាក់ផ្អើលដល់ប្រជាពលរដ្ឋនិងកម្លាំងសមត្ថកិច្ចប៉ុស្ដិ៍ច្រាំងចំរេះទី១ មកអន្តរាគមន៍ឃាត់ខ្លួនភ្លាមៗដើម្បីយកមកធ្វើការសាកសួរកាលពីវេលាម៉ោង ៥ព្រឹក ថ្ងៃទី ០២ ខែ មិនា ឆ្នាំ ២០១៦ ដែលមានទីតាំងនៅចំណុចផ្ទះលេខ១០២៣ ក្រុមទី៦ ភូមិ២ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ។
នាយប៉ុស្តិ៍ច្រាំងចំរេះទី១ លោក រឿន វន បានបញ្ជាក់ថា ស្ត្រីរងគ្រោះត្រូវជាម្ដាយឈ្មោះឡឹប ស៉ីហ្វាស់ អាយុ៥៩ឆ្នាំ មានមុខរបរលក់ដូរ ចំណែកយុវជនបង្កឈ្មោះ ស្រេន អារីហ្វីន ហៅ ហ្វីន ភេទ ប្រុស អាយុ ២៣ឆ្នាំ ជនជាតិ ឥស្លាម ស្នាក់នៅជាមួយម្ដាយនៅចំណុចកើតហេតុខាងលើ។លោកនាយប៉ុស្ដិ៍ច្រាំងចំរេះទី១បានបន្តថា តាមការរៀបរាប់ឲ្យដឹងពីរម្ដាយ មុនកើតហេតុ នៅរសៀលថ្ងៃទី១ ម្សិលមិញ កូនប្រុសរបស់គាត់ បានចេញពីរផ្ទះ ទៅជួបជុំជាមួយបក្សពួករបស់ខ្លួនដើម្បីប្រើប្រាស់គ្រឿងញៀន ។ លុះព្រឹកឡើងថ្ងៃទី២កូនរបស់គាត់បានត្រឡប់មកផ្ទះវិញទំនងជាអត់លុយហើយក៏សុំលុយពីម្តាយដែលចាស់ជរា តែដោយសារ ម្តាយមិនមានលុយអោយ ក៏កើតជាកំហិង្សារករឿងម្តាយ ហើយថែមទាំងទាញកាំបិតប៉ាំតោដេញកាប់បងប្រុសរបស់ខ្លួន និងជ្រល រកកាប់ម្ដាយបង្កើតរបស់ខ្លួនថែមទៀត ដោយឡែកត្រូវបានអ្នករស់នៅក្បែរជិតខាងមកអន្តរាគមន៍មកជួយឃាត់ ជាពិសេសកម្លាំងនគរបាលមូលដ្ឋានប៉ុស្ដិ៍ច្រាំងចំរេះទី១បានមកអន្តរាគមន៍ទាន់ពេលវេលាដោយនាំខ្លួនជនសង្ស័យភ្លាមៗដើម្បីធ្វើការសាកសួរផងដែរ។
សូមបញ្ជាក់ថា ក្រោយការសាកសួរពីរសមត្ថកិច្ចប៉ុស្ដិ៍ ជនសង្ស័យរួមនិងវត្ថុតាង”កាំបិតប៉ាំងតោ”ត្រូវបានបញ្ជូនទៅឃុំខ្លួនសាកសួរបន្ថែមនៅអធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនិតិវិធីច្បាប់ ៕ហាស់ កំសាន្ដ
