ខេត្តមណ្ឌលគីរី៖ ករណីគ្រោះថ្នាក់ចរាចរណ៍មួយបានកើតឡើង ដោយគោយន្តកិនស្រូវកែឆ្នៃមួយគ្រឿង ដោយអ្នកបើកបរមិនមានការប្រុងប្រយ័ត្ន បណ្តាលឲ្យធ្លាក់ផ្លូវ បាក់ជើងព្រូខាងស្តាំចំនួន២កំណាត់ ហេតុការណ៍នេះបានកើតឡើងនៅវេលាម៉ោង១១នឹង៣០នាទី ថ្ងៃទី០២ខែមិនាឆ្នាំ២០១៦នេះ ត្រង់ចំណុចស្ពានយោលស្ថិតនៅក្នុងភូមិអន្ត្រេះ ឃុំអរបួន ស្រុកកោះញែក ខេត្តមណ្ឌលគីរី។
តាមប្រភពព័ត៌មានពីអ្នកឃើញហេតុការណ៍ខាងលើបានឲ្យដឹងថា ជនរងគ្រោះខាងលើឈ្មោះ កើត សាមិត្ត ភេទប្រអាសយុ៥០ឆ្នាំ ជាជនជាតិខ្មែរ រស់នៅក្នុងភូមិក្បាលជ្រោយ ឃុំ ស្រែហ៊ុយស្រុកកោះញែក ចំណែកអ្នកបើកបរ ឈ្មោះ ពីន ភេទប្រុសអាយុ២០ឆ្នាំជាជនជាតិខ្មែរ រស់នៅភូមិឃុំជាមួយគ្នា ។
ប្រភពព័ត៌មានពីអ្នកឃើញហេតុការណ៍បានឲ្យដឹងបន្តទៀតថា ករណីគ្រោះថ្នាក់ខាងលើនេះបណ្ដាលមកពីអ្នកបើកបរគ្មានការប្រុងប្រយត្ន័ទើបមានហេតុការនេះកើតឡើងជាយៈថាហេតុ ក្រោយមកជនរងគ្រោះត្រូវបានដឹកជញ្ជូនយកទៅព្យាបាលនៅមន្ទីរពេទ្យខេត្តរតនៈគិរី។
បច្ចុប្បន្ន គោយន្តកែឆ្នៃត្រូវបានកម្លាំងសមត្ថកិច្ច អូសយកមកថែរក្សាទុកនៅអធិការដ្ឋាននគរបាលស្រុកោះញែកទុកបណ្ដោះអាសន្នរងចាំការដោះស្រាយនៅពេលក្រោយ៕
ដោយ ប៊ូស្រា
