ខេត្តស្វាយរៀង:រថយន្តLexus 470មួយគ្រឿងបើកបរដោយបុរសម្នាក់មិនស្គាល់អត្តសញ្ញាណបានបុកមេគោផើមងាប់ភ្លាមៗខណៈដែលកំពុងធ្វើដំណើរលើផ្លូវជាតិលេខ១។ករណីគ្រោះថ្នាក់ចរាចរណ៍រថយន្តLexus បុកនេះបានកើតឡើងកាលពីវេលាម៉ោង៦:៣០នាទីយប់ថ្ងៃទី២ខែមិនាឆ្នាំ២០១៦នៅលើកំណាត់ផ្លូវជាតិលេខ១ស្ថិតក្នុងភូមិ ព្រៃសង្ឃ័រ ឃុំ សំបួរ ស្រុក ស្វាយទាប ខេត្ត ស្វាយរៀង។ បើតាមសមត្ថបានឲ្យដឹងថា៖មុនពេលកើតហេតុមានរថយន្តLexus470មួយគ្រឿង ពណ៌ ស ពាក់ស្លាកលេខ ភ្នំពេញ 2AF 3989 បើកបរដោយបុរសមិនស្គាល់ឈ្មោះពីកើតមកលិចក្នុងល្បឿនលុះមកចំនុចកើតហេតុស្រាប់តែមានមេគោផើមមួយក្បាលរត់កាត់ទទឹងថ្នល់ស្របពេលរថយន្តLexus470មកដល់ហ្វ្រាំងមិជាប់ក៏បណ្តាលឲ្យបុកមេគោប៉ើងទៅខាងឆ្វេងដៃជាង១០ម៉ែត្រងាប់ភ្លាមៗនៅកន្លែងកើតហេតុតែម្តងទៅ។ប្រភពខាងលើបានបន្តឲ្យដឹងទៀតថា៖ក្រោយពីបុកមេគោរួចមកសមត្ថកិច្ចចុះកន្លែងកើតហេតុប៉ុន្តែម្ចាស់គោមិនហ៊ានចេញមុខនោះទេមិនដឹងថាម្ចាស់នៅណាទេ។ហើយរថយន្តLexus470ដែលបុកមេគោនោះខូចខាត បែកចង្កៀងខាងឆ្វេង បែកកាង ប៉ើងដំបូល និង ផ្ទុះពោង២ផងដែរ។ចំណែកឯមេគោរថយន្តបុកងាប់នោះត្រូវបានម្ចាស់រថយន្តលើកដាក់រថយន្តទៅដោយពុំឃើញមានម្ចាស់គោចេញមុខដោះស្រាយ៕ ដោយ នុតនាង
