ភ្នំពេញ៖បុរសជាប្ដី ចិត្តដិរឆ្ឆាន ស្រវឹងស្រានិងសង្ស័យញៀន ថ្នាំ កើតការមួរម៉ៅបោកម្ទិចកម្ទីរសំភារះក្នុងផ្ទះនិងរករឿងប្រពន្ធនិងកូន ព្រមទាំងប្រើដាវសាំម៉ូរ៉ៃកាប់ប្រពន្ធ បណ្ដាលឲ្យរងរបួសក្បាលហូរឈាមដេជាច្រើនត្នេរ រួចរត់គេចខ្លូនទើប បង្កឲ្យមានការភ័យខ្លាចនិងភ្ញាក់ផ្អើល
ដល់កម្លាំងនគរបាលខណ្ឌឫស្សីកែវមកអន្តរាគមន៍ដេញតាមចាប់ក្របួចជនសង្ស័យជាប្ដីបានភ្លាមៗដើម្បីយកមកធ្វើការសាកសួរ ។
ហេតុការណ៍ខាងលើបានកើតឡើងនៅវេលាម៉ោង១០ព្រឹក ថ្ងៃទី ០៣ ខែ មិនា ឆ្នាំ ២០១៦ នៅចំណុច ផ្ទះលេខ ២៥ ៩៣ ផ្លូវបេតុង ភូមិ៥ សង្កាត់ច្រាំងចំរេះទី២ ខណ្ឌឫស្សីកែវ រាជធានីភ្នំពេញ ។នាយប៉ុស្ដិ៍នគរបាលច្រាំងចំរេះទី២ លោក ណុះ សាវី បានឲ្យដឹងថា បុរសជាប្ដីដែលត្រូវឃាត់ខ្លួនឈ្មោះសាន់ ម៉ាត់ ភេទប្រុស អាយុ៥២ឆ្នាំ ជាជនជាតិឥស្លាម មានមុខរបរ នៅផ្ទះ បច្ចុប្បន្ន ស្នាក់នៅចំណុចកើតហេតុខាងលើ ជាមួយ ប្រពន្ធនិងជាជនរងគ្រោះឈ្មោះហ៉ីម ម៉ៃសង អាយុ៥៦ឆ្នាំ ជាជនជាតិឥស្លាម មានមុខរបរជាអ្នកដើរទិញសំបកខ្លងម្សៅ តាមភូមិទៅលក់ឲ្យអ្នកលាយម្សៅនិងបកខ្ទឹមឲ្យគេក្នុងមួយគីឡូក្រាម៥០០រៀល ។
បើតាមការរៀបរាប់ឲ្យដឹងពីរស្ត្រីរងគ្រោះដែលត្រូវជាប្រពន្ធបានរៀបរាប់ទាំងទឹកភ្នែកថា ប្ដីរបស់គាត់”សាន់ម៉ាត់” ជាពោះម៉ាយមានកូន២នាក់និងបានលែងលះជាមួយប្រពន្ធ ដើមដាច់ស្រេចហើយទើបបានស្គាល់គ្នាជាមួយគាត់”ហ៉ីម ម៉ៃសង”ជាស្ត្រីមេម៉ាយមានកូនប្រុសស្រីចំនួន៣នាក់ និងបានចាប់ដៃគ្នាជាប្ដីប្រពន្ធតាំងពីរឆ្នាំ១៩៩៤មកម្លេះ រយះពេលជា២០ឆ្នាំនេះគាត់មិនមានកូនចៅជាមួយគ្នាទេ មកទល់បច្ចុប្បន្ននេះ ដោយឡែកប្ដីរបស់គាត់ពីរមុនមានរត់
ម៉ូតូឌុប ប៉ុន្តែថ្ងៃណាក៍ស្រវឹងដែរ និងប្រើប្រាស់ថ្នាំញៀនទៀត ដោយ១ថ្ងៃៗលេងតែល្បែង ដោយការចាញ់ល្បែងក៍លក់ ម៉ូតូចោលទើបគ្មានការងារធ្វើទល់សព្វថ្ងៃនៅតែផ្ទះ។ស្ត្រីរងគ្រោះបានបន្តថា ចាប់តាំងពីរប្ដីរបស់គាត់គ្មានម៉ូតូរត់ឌុប គឺមិនដែលនៅផ្ទះទេ ដើរតែផឹកស្រវឹងរាល់ថ្ងៃ និងជេរ៍ប្រម៉ាតរូបគាត់និងបោកកម្ទិចកម្ទីរសំភារះក្នុងផ្ទះបានក្លាយទៅជាទនម្លាប់ទៅហើយប៉ុន្តែប្ដីរបស់គាត់ពុំដែលវាយគាត់សូម្បីតែមួយដៃឡើយ ទើបតែពេលនេះប្ដីគាត់បានទាញ
ដាវមកកាប់ចំពីរលើក្បាលរបស់គាត់បណ្ដាលឲ្យរងរបួសហូរឈាមដេរជាច្រើនត្នេរបែបនេះ ទើបគាត់សម្រេច”ហ៊ីមម៉ៃសង”ប្ដឹងទៅសមត្ថកិច្ចប៉ុស្ដិ៍នគរបាលច្រាំងចំរេះទី២ឲ្យឃាត់ខ្លួនតែម្ដង ។
លោក ណុះ សាវី នាយប៉ុស្ដិ៍នគរបាលច្រាំងចំរេះទី២ បានបញ្ជាក់ថា ក្រោយពីរទទួលបានសេចក្ដីរាយការណ៍ពីរប្រ ជាពលរដ្ឋថា មានករណី ប្ដីកាប់ប្រពន្ធបណ្ដាលឲ្យរងរបួស រយះក្បាលហូរឈាម កម្លាំងនគរបាលប៉ុស្ដិ៍បានមកអន្តរាគមន៍ភ្លាមៗដោយឃាត់ខ្លួនបុរសជាប្ដី ខណៈបុរសជាប្ដីបម្រុងរត់គេចខ្លួន ក្រោយពីរធ្វើសកម្មភាពកាប់ប្រពន្ធហើយនោះ ។
សូមបញ្ជាក់ថា បុរសជាប្ដី ត្រូវបាននគរបាលប៉ុស្ដិ៍ច្រាំងចំរេះទី២ បញ្ជូនទៅឃុំខ្លួនសាកសួរបណ្ដោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីចាត់ការតាមនិតិវិធីនៃផ្លូវច្បាប់ ៕ហាស់ កំសាន្ដ
