ភ្នំពេញ ៖ មេបញ្ជាការរងអាវុធហត្ថខណ្ឌឫស្សីកែវ លោក ស៊ុយ រតនៈ បានឲ្យភ្នាក់ងារទូរទស្សន៍អប្សារាប៉ុស្ដិ៍លេខ១១ ដឹងថា នាព្រឹក ថ្ងៃទី ០៤ ខែ មិនា ឆ្នាំ ២០១៦ នេះ កម្លាំងអាវុធហត្ថខណ្ឌ បានចាប់ ក្របួចចោរ២នាក់ ក្រោយធ្វើសកម្មភាពឆក់ទូរស័ព្ទដៃពីរជន
រងគ្រោះមិនបានសម្រេច ។
ហេតុការណ៍ខាងលើបានកើតឡើងនៅវេលាម៉ោង១០ព្រឹក ព្រឹក ថ្ងៃទី ០៤ ខែ មីនា ឆ្នាំ២០១៦ នៅចំណុចក្នុងផ្សារច្រាំង ចំរេះទី២ ក្រុមទី២ ភូមិខ១ សង្កាត់ច្រាំងចំរេះទី២ ខណ្ឌឫស្សកែវ រាជធានីភ្នំពេញ ។
លោក ស៊ុយ រតនៈ មេបញ្ជាការរងអាវុធហត្ថខណ្ឌឫស្សីកែវ បានបញ្ជាក់ថា ជនសង្ស័យត្រូវឃាត់ខ្លួន១ឈ្មោះហ៊ូ សុធា ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះ ជួល ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឫស្សីកែវ ២ឈ្មោះ អឿន មករា ភេទប្រុស អាយុ១៩ឆ្នាំ មុខរបរមិនពិត ប្រាកដ ស្នាក់នៅភូមិព្រែកតាទែន ស្រុកពញាឮ ខេត្តកណ្តាល រួមទាំងដកហូតម៉ូតូ១គ្រឿងម៉ាក ម៉ាក Let’s ពណ៌ខ្មៅ ពាក់ស្លាកលេខភ្នំពេញ ១DE-០៤៤៣ ។រីឯជនរងគ្រោះឈ្មោះ ម៉េង សុភា ភេទស្រី អាយុ៤៤ឆ្នាំ មុខរបរលក់ដូរ ស្នាក់នៅផ្ទះកើតហេតុខាងលើ និងជាម្ចាស់ទូរស័ព្ទ Iphone ៦Plusពណ៍ទឹកមាស ។
លោកមេបញ្ជាការរងអាវុធហត្ថខណ្ឌឫស្សីកែវ បានបញ្ជាក់ទៀតថា បើតាមសំដីជនរងគ្រោះ មុនកើតហេតុ រូបគាត់” ម៉េង សុភា”
កំពុងឈរនិយាយទូរស័ព្ទ ក៍លិចមុខជនសង្ស័យ២នាក់ជិះ
១គ្រឿងមកឆក់ទូរស័ព្ទដៃពីររូបគាត់ ” ម៉េង សុភា” ភ្លាមនោះ
គាត់បានស្រែកផ្អើលឆោរឡោរដល់ប្រជាពលរដ្ឋ ខណៈបុរសម្នាក់ដែលនៅក្បែរនោះ បានបើករថយន្ដដែលមិ នស្គាល់ម៉ាកនិងមិនចាំស្លាកលេខ បានបើកមកស្ទាក់ផ្លូវ ជនសង្ស័យទាំង២នាក់ដែលកំពុងជិះបើកម៉ូតូរត់គេចខ្លួន
ស្របពេលនិងកម្លាំងអាវុធហត្ថខណ្ឌឫស្សីកែវ ដែលកំពុងល្បាតនៅក្បែរនោះ ដេញចាប់ខ្លួនចោរឆក់ទូរស័ព្ទដៃ បានភ្លាមៗតែម្ដង ។មេបញ្ជារងអាវុធហត្ថខណ្ឌឫស្សីកែវ បានបន្តថា ក្រោយចាប់ខ្លួនជនសង្ស័យទាំង២នាក់មកធ្វើការសាកសួរ ចោរឆក់ទាំង២រូបនេះ បានឆ្លើយសារភាពថា ខ្លួនពិតជាបានធ្វើសកម្មភាពឆក់ទូរស័ព្ទដៃពីរស្ត្រីរងគ្រោះពិតប្រាកដមែន។ ដោយយោងតាមពាក្យបណ្ដឹងរបស់ស្ត្រីរងគ្រោះនិងចម្លើយសារភាពរបស់ជនសង្ស័យ និងស្ថិតក្រោមការពិនិត្យរបស់
កម្លាំងអាវុធហត្ថខណ្ឌឫស្សីកែវបានសម្រេចប្រគល់ទូរស័ព្ទដៃ១គ្រឿងជូន ស្ត្រីរងគ្រោះវិញផងដែរ ។
សូមបញ្ជាក់ថា ចោរឆក់ទូរស័ព្ទដៃទាំង២នាក់ រួមនិងម៉ូតូ១គ្រឿង បាននិងកំពុងឃុំខ្លួនសាកសួរបន្ថែម នៅទីបញ្ជាការកងរាជអាវុធហត្ថខណ្ឌឫស្សីកែវ ដើម្បីបន្តនិតិវិធី
បញ្ជូនខ្លួនបន្តទៅទីបញ្ជាការអាវុធហត្ថរាជធានីភ្នំពេញនិងចាត់ការតាមផ្លូវច្បាប់ ៕ហាស់ កំសាន្ដ
