បន្ទាយមានជ័យ ៖ លោកអនុសេនីយ៍ឯក សៅ សារឿន នាយផ្នែកសណ្តាប់នៃអធិការដ្ឋានក្រុង ប៉ោយប៉ែតបានថ្លែងប្រាប់នៅព្រឹកថ្ងៃទី០៤ខែមីនាឆ្នាំ ២០១៦នេះថាមានម៉ូតូទំនើបជាច្រើនគ្រឿងត្រូវបានធ្វើការឃាត់ចាប់និងនាំអ្នកបើកបរមកកាន់អធិការដើម្បីអប់រំខណះពួកគេកែច្នៃរបំពង់ស៊ីមុំាងម៉ូតូខុសបច្ចេកទេស។ការចុះចាប់ឃាត់នេះគឺធ្វើឡើងតាមណែនាំចង្អុលបង្ហាញពីលោកផ្កាយ២ អាត់ ខែម ស្នងការខេត្តបន្ទាយ មានជ័យនិងដឹកនាំការបង្កាបង្ក្រាបដោយលោកវរសេនីយ៍ត្រី អ៊ុ សុផល អធិការក្រុងប៉ោយប៉ែត។ លោកនាយផ្នែកបានលើកឡើងថាបច្ចុប្បន្ននេះក្រុមស្ទាវគេបានពេញនិយមធ្វើការកែច្នៃរម៉ូតូទំនើបរបស់ខ្លួនដោយបំពាក់សំភារៈខុសបច្ចេកទេសដែលបង្កការរំខាន់ដល់ការរស់នៅនិងធ្វើដំណើរអ្នកដទៃពិសេសបង្កអសន្តិសុខសំរាប់សង្គម។ក្នុងនោះគេបានធ្វើការផ្លាដស់ប្តូរបំពង់ស៊ីមុំាងដែលមានសំលេងបំពងលឺខ្លាំង បំពាក់ភ្លើងឡាស្សែ និងដាក់ស៊ីផ្លេសារ៉ែនជាដើម។ដើម្បីទប់ស្កាត់ផលរំខានទាំងនេះសមត្ថកិច្ចនគរបាលក៏បានឃាត់ចាប់ម៉ូតូជាច្រើនគ្រឿងអោយធ្វើការផ្លាស់ប្តូរមកដាក់សំភារៈដើមវិញនិងបានហៅអាណាព្យាបាលក្រុមក្មេងស្ទាវមកធ្វើកិច្ចសន្យាបញ្ឈប់ការកែច្នៃរដូច្នេះទៀត។
លោកឧត្តមសេនីយ៍ទោ អាត់ ខែម ស្នងការខេត្ត បន្ទាយមានជ័យបានសុំអំពាវនាវដល់ក្រុមយុវវ័យទាំងអស់សូមចូលរួមទាំងអស់ក្នុងការគោរពច្បាប់ចរាចរនិងចូលរួមក្នុងគោលនយោបាយភូមិឃុំសុវត្ថិភាព បញ្ឈប់ការកែច្នៃរដាក់សំលេងរំខានបង្កអសន្តិសុខតទៅទៀតបើមិនដូច្នេះទេសមត្ថកិច្ចនឹងចាត់វិធានការតាមផ្លូវច្បាប់៕
