ខេត្តកណ្តាលៈមនុស្សម្នាក់បានស្លាប់និង២នាក់ទៀតរងរបួស ក្នុងហេតុ
ការណ៌គ្រោះថ្នាក់ចរាចរណ៌មួយបង្កឡើងដោយរថយន្តវីហ្គោមួយគ្រឿង
បើកបោះពួយយ៉ាងលឿនជ្រុលចង្កូចបុករឺម៉កម៉ូតូដឹកជ្រូកពីក្រោយ ក្នុង
ទិសដៅស្របគ្នា។ហេតុការណ៍គ្រោះថ្នាក់ចរាចរណ៍នេះកើតឡើងកាលពី
វេលាម៉ោង០៥និង៣០នាទីព្រឹកថ្ងៃទី០៤ខែមីនាឆ្នាំ២០១៦តាមបណ្តោយ
ផ្លូវជាតិលេខ១ ចំណុចចន្លោះគីឡូម៉ែត្រលេខ៤៧-៤៨ ស្ថិតក្នុងភូមិ
សំរោងក្អែរ.ឃុំសំរោងធំ.ស្រុកកៀនស្វាយ.ខេត្តកណ្តាល ។ ជនរងគ្រោះទី១.ឈ្មោះខាន់
ឆិលភេទប្រុសអាយុ៤៦ឆ្នាំជនជាតិខ្មែរមុខរបរអ្នកទិញជ្រូកមានទីលំនៅភូមិកោះ
តេជោ.ឃុំសំរោងធំ.ស្រុកកៀនស្វាយជាអ្នកបើករឺម៉ក ស្លាប់នៅនឹងកន្លែង
ទី២ ឈ្មោះ នង ម៉ៃ ភេទប្រុសអាយុ៤៣ឆ្នាំជនជាតិខ្មែរមុខរបរទិញជ្រូក
អ្នករួមដំណើរជាមួយមានទីលំនៅជាមួយគ្នាបានរងរបួសស្រាល ជនរង
គ្រោះទី២ឈ្មោះ អេំមេរិក អីងយីភេទប្រុសអាយុ៤៧ឆ្នាំជនជាតិចិន
រងរបួសស្រាលជាអ្នកបើកបររថយន្តបង្កម៉ាកវីហ្គោពណ៏ខ្មៅ ពាក់ស្លាក
លេខភ្នំពេញ២.R.៨៨៩៧ ។ 
ប្រភពពត៏មាននិយាយថាមុនពេលកើតហតុគេឃើញភាគីរឺម៉កម៉ូតូបើក
បរក្នុងទិសដៅពីអ្នកលឿង.ភ្នំពេញពេលមកដល់ចំណុចកើតហេតុខាង
លើ ស្រាប់តែរថយន្តវីហ្គោបើកបរដោយជនជាតិចិនបោះពួយយ៉ាង
លឿន មកបុករឺម៉កដែលកំពុងធ្វើដំណើរស្របគ្នាចំពីចំហៀងផ្នែក
ខាងក្រោយពេញទំហឹងបណ្តាលឲ្យធ្លាក់ទាំងរឺម៉កម៉ូតូនិងរថយន្តទៅចិញ្ចើម
ថ្នល់បុកនិងដើមសង្កែរងការខូចខាតយ៉ាងដំណំ ។ ក្រោយកើតហេតុនគរ
បាលចរាចរណ៌សហការជាមួយនគរបាលប៉ុស្ត៍និងកម្លាំងប៉េអឹម ចុះអន្តរា
គមន៍ជួយសម្រួលចរាចរណ៍និងធ្វើការវាស់វែងប្រមូលយកមធ្យោបាយ
ទាំង២គ្រឿងទៅរក្សាទុកនៅអធិការដ្ធាននគរបាលស្រុកកៀនស្វាយចាត់
ការតាមនីតិវិធីច្បាប់ចរាចរណ៍ផ្លូវគោគ ។ រីឯសពជនរងគ្រោះបានប្រ
គល់ជូនក្រុមគ្រួសារដឹកយកទៅធ្វើបុណ្យតាមប្រពៃណីខ្មែរ ៕
