ខេត្តព្រះវិហារ សេចក្តីរាយការណ៍បានអោយដឹងថាស្ដ្រីវ័យចំណាស់ម្នាក់បានស្លាប់បាត់បង់ជីវិតភ្លាមៗដោយសារខាំត្រីក្រាញ់១ក្បាលចុងក្រោយរអិលចូលបំពង់ខ្យល់ដកដង្ហើមក្នុងចំណោមត្រីក្រាញ់៤ក្បាលកាលពីថ្ងៃទី០២មិនា២០១៦ស្ថិតនៅភូមិឃុំគូលែនត្បូងស្រុកគូលែនខេត្តព្រះវិហារ។នេះជាលើកទីមួយហើយដែលមានមនុស្សចាស់ស្លាប់ដោយសារខាំត្រីក្រាញ់នៅស្រុកគូលែនដោយមើលស្រាលពីតម្លៃជីវិតរបស់ខ្លួន។
ប្រជាពលរដ្ឋនៅមូលដ្ឋានបានរាយការណ៍អោយដឹងថាមុនពេលកើតហេតុឃើញស្ដ្រីរងគ្រោះបានទៅបាចទឹករកត្រីទុកធ្វើម្ហូបនៅចំណុចអូរដូនស្ងួនក្នុងភូមិគូលែនត្បូងហើយនៅក្នុងថ្ងៃដដែលនោះស្រាប់តែឮថាស្ដ្រីម្នាក់នោះបានស្លាប់បាត់បង់ជីវិត។មូលហេតុមកពីស្ត្រីរងគ្រោះខ្វះការប្រុងប្រយ័ត្នដោយយកត្រីក្រាញ់ចំនួន៤ក្បាលដែលរកបានមកខាំអោយងាប់ដើម្បីចម្អិនធ្វើម្ហូបហូបបាយដែលមុនដំបូងខាំងាប់៣ក្បាលហើយត្រីក្រាញ់១ក្បាលចុងក្រោយភ្លាត់ស្នៀតត្រូវត្រីក្រាញ់ត្បុលចូលមាត់ស្ទះបំពង់ខ្យល់ស្លាប់ភ្លាមៗតែម្តង។
ប្រភពព័ត៌មានដដែលបញ្ជាក់ថាសពស្ដ្រីរងគ្រោះឈ្មោះលឹមសារុំអាយុ៤៧ឆ្នាំមុខរបរកម្មករយាមអង់តែនទូរស័ព្ទ០៩៧ស្ថិតនៅភូមិឃុំគូលែនត្បូងស្រុកគូលែនខេត្តព្រះវិហារ។បន្ទាប់មក
អាជ្ញាធរស្រុកគូលែនបានពាំនាំយកសម្ភារះនិងថវិកាមួយចំនួនធំទៅប្រគល់ជូនសាច់ញាតិស្ត្រីរងគ្រោះដើម្បីឧបត្ថម្ភក្នុងពិធីបុណ្យសពតាមប្រពៃណីយខ្មែរ៕
