ឧត្តរមានជ័យ៖ កាលពីវេលាម៉ោង៣និង១៥នាទី ថ្ងៃទី៧ ខែមិនា ឆ្នាំ២០១៦ ជនសង្ស័យម្នាក់ ត្រូវបានកងរាជអាវុធហត្ថស្រុកអន្លង់វែងធ្វើការចាប់ឃាត់ខ្លួន ពីបទរំលោភសេពសន្ថវះ ទៅលើក្មេងស្រីរងគ្រោះ នៅភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។លោក
វរសេនីយ៍ត្រី ងួន ទ្ធីរិទ្ធ មេបញ្ជាការកងរាជអាវុធហត្ថស្រុកអន្លង់វែង បានឲ្យកម្ពុជាថ្មីដឹងថា ជនសង្ស័យ ដែលរំលោភក្មេងស្រី អាយុ៨ឆ្នាំ នោះមានឈ្មោះសឿន ព្រែក ភេទប្រុសអាយុ១៦ឆ្នាំ រស់នៅភូមិអូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ ពីបទរំលោភសេពសន្ថវះទៅលើក្មេងស្រីមិនទាន់គ្រប់អាយុ រីឯក្មេងស្រីរងគ្រោះមានឈ្មោះសឿន អ៊ុយ ភេទស្រីអាយុ៨ឆ្នាំរស់នៅភូមិ ឃុំ កើតហេតុខាងលើ។លោកវរសេនីយ៍ត្រី ងួន ទ្ធីរិទ្ធ មេបញ្ជាការអាវុធហត្ថស្រុកបានបន្តទៀតថា ជនសង្ស័យ បានធ្វើសកម្មភាពរំលោភសេពសន្ថវះ បានសម្រេច ទៅលើក្មេងស្រីរងគ្រោះ កាលពីថ្ងៃទី៤ ខែមិនា ឆ្នាំ២០១៦ ហើយត្រូវចាប់ឃាត់ខ្លួន នៅពេលវេលាខាងលើ នៅពេលបច្ចុប្បន្ន កំលាំងជំនាញកងរាជអាវុធហត្ថ កំពុងសួរនាំ ដើម្បីកសាងសំណុំរឿងបញ្ជូនទៅ សាលាដំបូងខេត្តឧត្តរមានជ័យ ចាត់ការទៅតាមនិតិវិធីច្បាប់៕
