ហ៊ីឡុងជាំង៖វត្ថុហោះមិនស្គាល់អត្តសញ្ញាណចំនួនបីត្រូវបានគេប្រទះឃើញ ក្រោយពីបានធ្លាក់ពីលើមេឃ និងចុះចតនៅពីរកន្លែងផ្សេងគ្នានៅក្នុងខេត្តហ៊ីឡុងជាំង នាវេលាម៉ោងប្រហែល 6:00 ព្រឹក កាលពីថ្ងៃសុក្រ នេះបើយោងតាមគេហទំព័រ Chinanews.com បានរាយការណ៍ ហើយត្រូវបានគេហទំព័រចិនឆាយណាដេលី ចុះផ្សាយនាល្ងាចថ្ងៃសុក្រ ទី១៦ ខែឧសភា ឆ្នាំ២០១៤នេះ។ អាជ្ញាធរក្រុង The Yi'an county បានបញ្ជាក់ថា នៅពេលរសៀលអ្នកភូមិ Mengchang បានឮសំឡេងរំខានដ៏មួយហើយបន្ទាប់មកបានឃើញវត្ថុម្យ៉ាងរាងដូចគ្រាប់បាល់ដ៏ធំមួយនៃការជះពន្លឺទៅសួនបន្លែដែលជាកម្មសិទ្ធិរបស់អ្នកភូមិ។
រូបភាពដែលថតដោយអ្នកភូមិបានបង្ហាញថា វត្ថុនេះគឺជាគ្រាប់បាល់ដែកមួយដែលពាក់កណ្តាលគ្របដណ្តប់ដោយស្រទាប់មួយដែលមានគែមដ៏ស្រួច។ វត្ថុស្រដៀងគ្នាពីរផ្សេងទៀតត្រូវបានគេប្រទះឃើញធ្លាក់ចុះពីលើមេឃចុះនៅស្រុក Baiquan county នៅក្បែរនោះដែរ។ វត្ថុមួយនេះមានអង្កត់ផ្ចិត 70 centimers មួយនិងមានទម្ងន់ 40 គីឡូក្រាម នេះបើតាម
ស្ថានីយទូរទស្សន៍ចិនបានរាយការណ៍។ ទាំងពីរកន្លែងនេះត្រូវបានបិទ និងបានហាមឃាត់ហើយសម្រាប់ការស៊ើបអង្កេតមួយកំពុងប្រព្រឹត្ដទៅ ។ មិនទាន់មានលទ្ធផលលម្អិតស្តីពីការស៊ើបអង្កេតនេះនៅឡើយទេ៕ 
