សៀមរាបៈ លោកគង បូរ៉ាវុធ នាយរងសង្កាត់រដ្ឋបាលព្រៃឈើខ្វាវ ដឹកនាំកម្លាំងបង្ក្រាបដោយសហការជាមួយ កម្លាំងបរិស្ថានលោក បែន វរះ នាយករងដែនជំរកសត្វព្រៃបឹងពែរ ចុះបង្ក្រាបបទល្មើសបទល្មើសព្រៃឈើ ដែលបានលបលួចដឹកជញ្ជូនឈើរថយន្ត ដោយខុសច្បាប់ នៅថ្ងៃទី ១០ មិនា ឆ្នាំ២០១៦នៅតាមបណ្តោយផ្លូវលំក្រាលគ្រួសក្រហម លាតសន្ធឹងពី ស្រុកជីក្រែង ទៅឃុំខ្វាវ។
បន្ទាប់ពីប្រមុខរាជរដ្ឋាភិបាល បានដាក់បទបញ្ជាឲ្យគ្រប់ជំនាញ សហការគ្នា ទប់ស្កាត់ការដឹកជញ្ជូនឈើដោយ ខុសច្បាប់ទៅលក់នៅក្រៅប្រទេស និងការរុករាន្ទដីព្រៃយកធ្វើជាកម្មសិទ្ធ រួមទាំងការដឹកជញ្ជូនឈើ ដោយគ្មានច្បាប់ ទាំងផ្នែករដ្ឋបាលព្រៃឈើជីក្រែង និងសង្កាត់រដ្ឋបាលព្រៃឈើខ្វាវ បានសហការជាមួយ សមត្ថកិច្ចបរិស្ថាន បានពង្រឹងសាច់ដុំទប់ស្កាត់ បង្ក្រាបបទល្មើសព្រៃឈើយ៉ាងសកម្មភាព ថែមទាំងបានបង្ក្រាបបានបទល្មើសជាច្រើនករណី ។
ជាក់ស្តែងក្នុងថ្ងៃនេះកម្លាំងចម្រុះបាន ធ្វើឃាត់រថយន្តដឹកបទល្មើសដោយខុសច្បាប់ ខណៈពេលដែលរថយន្តដឹកបទល្មើសធ្វើសកម្មភាពដឹកជញ្ជូនឈើតាមបណ្តោយផ្លូវ ក្រាលគ្រួសក្រហម ពីភូមិសាស្ត្រ ឃុំខ្វាវ ទៅស្រុកជីក្រែង ដែលជាប្រភេទរថយន្តនីសាន់ចំនួន៤រថយន្ត ព្រមទាំងបានរឹបអូសយកឈើមករក្សាទុក ហើយបានធ្វើការណៃនាំដល់ម្ចាស់រថយន្ត ឲ្យមានការប្រើប្រាស់លិខិតការអនុញ្ញាតិច្បាប់ត្រឹមត្រូវ ក្នុងនោះក៏បានប្រគល់រថយន្តជូនម្ចាស់ដើមវិញ ចំណែកឈើនៅមិនទាន់ធ្វើការវាស់វែងនោះទេ។
លោកពៅ ប៊ុនធឿន អភិបាលនៃគណះអភិបាលស្រុកជីក្រែង បានឲ្យដឹងថាចំពោះបទល្មើសគ្រប់រូបបែប បានណែនាំឲ្យកងកម្លាំងប្រដាប់អាវុធ សហកាជាមួយកម្លាំងសមត្ថកិច្ចជំនាញចូលរួមការពារ និងទប់ស្កាត់ បទល្មើសនានា ដូចជាបញ្ហាកាចែកចាយគ្រឿងញៀន ល្បែងស៊ីសង អំពើហឹង្សា និងការដឹកជញ្ជូនឈើដោយគ្មានលិខិតអនុញ្ញាតិ ដើម្បីចូលរួមជាមួយនិងគោលនយោបាយ របស់ប្រមុខរាជរដ្ឋាភិបាលកម្ពុជា។
ដោយ ព្រុំ សុខា
