កំពង់ធំៈ ផ្ទះមួយខ្នងទំហំ ៤គុណ៥ ធ្វើអំពើឈើ ប្រកស័ង្ខសី ក្រោមការជំនួយ ឧបត្ថម្ភដោយ ឯកឧត្តម ឧត្តមសេនីយ៍ត្រី សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងជាប្រធានសមាគមន៍ អតីតយុទ្ធជនកម្ពុជា ខេត្តកំពង់ធំ រួមទាំង ក្រុមការងារ បានសាង់សង់ផ្ទះជូនលោក វ័ន ចេន អតីតយុទ្ធជននិងជាជនពិការជើងទាំងពី នៅថ្ងៃទី១០ខែមិនាឆ្នាំ ២០១៦។
កាសាងសង់ផ្ទះជនអតីតយុទ្ធជននេះ គឺត្រូវបានចូលរួមពីសំណាក់ កងរាជអាវុធហត្ថស្រុកសន្ទុក និងផ្នែកសឹករងស្រុក ប៉ូលិសប៉ុស្តិ៍ និងប្រជាការពារបានរួមគ្នា សាងសង់ផ្ទះយ៉ាងសកម្ម ស្ថិតនៅភូមិត្រើយអូរ ឃុំព្នៅ ស្រុកសន្ទុក ខេត្តកំពង់ធំ ព្រម ទាំងបានប្រគល់ជូន លោក វ័ន ចេន និងជាការយកចិត្តទុកដាក់ ពីសំណាក់លោក លោកប៉ែន វណ្ណរិទ្ធ ប្រធានក្រុមចលនាយុទ្ធ១៥៧ សាខាខេត្តកំពង់ធំ ។
ឯកឧត្តម ឧត្តមសេនីយ៍ត្រី សោម ស៊ុន និងជាប្រធានសមាគមន៍អតីតយុទ្ធជនកម្ពុជា ខេត្តកំពង់ធំ បានឲ្យដឹងថា អតីតយុទ្ធជន បានពិការជើងទាំងពី ក្នុងសម័យសង្គ្រាម គាត់បានធ្លាក់ខ្លួនពិការជើងទាំងសងខាង ដោយសារជាន់មីននៅពេលកំពុងប្រយុទ្ឋលើសមរភូមិ ពាមអញ្ចាញ ឃុំត្នោតជុំ ក្នុងទឹកដីស្រុកបារាយណ៏ ខេត្តកំពង់ធំ នៅថ្ងៃទី០៦ខែមិថុនាឆ្នាំ១៩៩៦ មុនពេលទទួលបានផ្ទះថ្មីនេះ លោក វ័ន ចេន បានរស់នៅក្នុងជម្រកបាក់បែក ធ្លុះធ្លាយតូចចង្អៀត ថ្វីត្បិតតែគាត់ជាជនពិការ គាត់មិនបានសុំទានគេទេ សុខចិត្តចិញ្ចឹមជីវិតដ៏កំសត់របស់គាត់ ទាំងកំបុតជើងទាំងពីរត្រឹមជង្គង់ គាត់បានចែកទូកដ៏តូចមួយដើម្បីនេសាទត្រី តស៊ូជីវិតរកចំណូលពីការនេសាទត្រី ដើម្បីចិញ្ចឹមគ្រួសារ ឈ្មោះ វ័ន ចេន បានទទួលអំណោយពី លើកទឹកចិត្តនិងបានផ្តល់នូវថវិកា និងគ្រឿងឧបភោគបរិភោគ មានដូចជា ថវិការ1០ម៉ឺនរៀល អង្ករ ១បេ មី២កេសទឹកត្រី១ យួរទឹកស៊ីអ៊ីវ១ យួរ និងមានសម្ភារផ្ទះបាយ ស្ករស ប៉ីចេង ។
ឯកឧត្តម សោម ស៊ុន មេបញ្ជាការតំបន់ប្រតិបត្តិ ការសឹករងកំពង់ធំ និងលោក ប៉ែន វណ្ណរិទ្ធ ប្រធានចលនាយុវជន ក១៥៧ រួមទាំងមន្ត្រីក្រោមឳវាទ ដែលបានចូលរួមក្នុងការងារមនុស្សធម៌ រួមទាំងកម្លាំងរបស់កងរាជ អាវុធហត្ថស្រុកសន្ទុក និងសមត្ថកិច្ចប៉ូលិស រួមទាំងប្រជាការពារ ទាំងអស់ ដែលបានជួយជាកំលាំងចិត្ត និង កំលាំងកាយក្នុងការ ជួយសាងសង់ផ្ទះតាំងពីព្រឹករហូតដល់ល្ងាច បានរួចរាល់ជាស្ថាពរ ហើយបានប្រគល់ជូនលោក វ៏ន ចេន ដែលជាជនពិការ និងជាបុរសពោះម៉ាយផងដែរ ។
ដោយ ប៊ុន រដ្ឋា
