(រូបភាពវីដេអូ ) រដ្ឋាភិបាលជប៉ុន បានឲ្យដឹងថា កំណើនសេដ្ឋកិច្ចជប៉ុន គិតក្នុងត្រីមាសទី១ ឆ្នាំ២០១៤ បានកើនឡើង ៥,៩ ភាគរយ ។ ទីភ្នាក់ងារព័ត៌មានចិន ស៊ិនហួ ចុះផ្សាយនៅថ្ងៃទី១៥ ខែឧសភា ឆ្នាំ២០១៤ថា គិតនៅក្នុងត្រីមាសទី១ កំណើន សេដ្ឋកិច្ច របស់ប្រទេសជប៉ុន បានកើនឡើង៥,៩ភាគរយ។ កំណើនសេដ្ឋកិច្ចជប៉ុន នៅក្នុងត្រីមាសទី៣ ឆ្នាំ២០១១ មានសន្ទុះកើនឡើងខ្ពស់។ ខុទ្ទកាល័យគណៈរដ្ឋមន្ត្រីបានឲ្យដឹងថា អត្រាអតិផរណាក៏បាន កើនឡើង១,៥ភាគរយដែរ គិតនៅក្នុងអំឡុង ខែតុលា រហូតដល់ធ្នូ ឆ្នាំ២០១៣ ។ ម្យ៉ាងទៀតគិតចាប់ពីថ្ងៃទី១ ខែមេសា កន្លងមក នេះតម្លៃពន្ធក៏កើនឡើង ខ្ពស់ដែរ ។ តាមការព្យាករណ៍ដោយអ្នកសេដ្ឋវិទូ មួយចំនួនបានឲ្យដឹងថា កំណើននៃតម្លៃផលិតផល ប្រើប្រាស់ ធៀបនឹង កំណើនជីឌីភី ដែលមានប្រមាណ ៦០ភាគរយនោះបានកើនឡើង២,១ភាគរយដែរ។ ប៉ុន្តែកំណើនដែលខ្ពស់ ជាងគេនោះគិតនៅក្នុងត្រីមាសដូចគ្នា នៅក្នុងឆ្នាំ១៩៩៧ ។ លោក Akira Amari រដ្ឋមន្តរីក្រសួងសេដ្ឋកិច្ចជប៉ុន បានលើកឡើងថា "តាមការរំពឹងទុក នៅក្នុងត្រី មាសទី១ កំណើន ជីឌីភី ពិតជាបានកើនឡើង" ។ លោករដ្ឋមន្ត្រីបានថ្លៃងយ៉ាងដូច្នេះ នៅក្នុងសន្និសីទសារព័ត៌មានមួយ បន្ទាប់ពីមានរួលេខថាពិតជា បានកើនឡើង យ៉ាងនេះមែន ។ ក្នុងនោះវិស័យនាំចេញរបស់ជប៉ុន ត្រូវបានគេរំពឹងថា នឹងកើនឡើងតួលេខពិតប្រាកដនោះគឺបាន កើនឡើង ៦,០ភាគរយ ។ ការកើនឡើងនេះដោយសារការនាំចេញ រថយន្តកើនឡើង ។ គិតក្នុងត្រីមាសទី១ គឺបានកើនឡើង ០,៥ភាគរយ ៕
