(រូបភាពវីដេអូ ) ប្រេង Petroliam Nasional Bhd (Petronas) របស់ប្រទេសម៉ាឡេស៊ី បានប្រកាសពីប្រាក់ចំណេញសុទ្ធរបស់ខ្លួននៅក្នុងប្រតិបត្តិការរយៈ ពេល៣ខែដើមឆ្នាំ២០១៤ នេះ មានចំនួន៥,៨១ពាន់លានដុល្លារអាមេរិក គឺធ្លាក់ចុះ៨% ធៀបនឹងអំឡុងពេលដូចគ្នាកាលពីឆ្នាំមុន បើទោះជាប្រាក់ចំណូលកើនឡើងក៏ដោយ ។ ចំណែកការយកពន្ធមុនលើប្រាក់ចំណេញមាន អត្រាទាបជាងមុនបន្តិច គឺស្មើនឹង៨,៤ពាន់លានដុល្លារធៀបនឹងឆ្នាំមុនមានចំនួន៨,៩ពាន់លាន ដុល្លារ ។
ភាពចុះខ្សោយនៃការហូតពន្ធនេះ គឺដោយសារតែការធ្លាក់ចុះនៃតម្លៃប្រេង និងការធ្លាក់ចុះលើការចំណាយយ៉ាងច្រើននៅក្នុងប្រតិបត្តិការ របស់ជនជាតិអេហ្ស៊ីប បូករួមទាំងការចំណាយលើប្រតិបត្តិការពីការបង្កើនសកម្មភាពរុករក មានកម្រិតខ្ពស់ជាងមុនផងដែរ ។
សរុបមកនៅក្នុងត្រីមាសទី១ នេះ ក្រុមហ៊ុន Petronas បានបង្កើនចំណូលបាន២៥,៩ពាន់លានដុល្លារ ធៀបនឹងអំឡុងពេលដូចគ្នាកាលពី ឆ្នាំ២០១៣ មានចំនួនត្រឹមតែ២៣,៧ពាន់លានដុល្លារបុ៉ណ្ណោះ ។ ការកើនឡើងដ៏ច្រើនលើសលប់នេះ ក៏ព្រោះតែបរិមាណនៃការលក់ និងពាណិជ្ជកម្ម បូករួមទាំងផលិតកម្មមានអត្រាខ្ពស់ជាងមុន ៕
