( រូបភាពវីដេអូ ) ខ្សែប្រយុទ្ធរបស់ក្លិប Southampton កីឡាករ Pablo Osvaldo មិនបានជាប់ឈ្មោះក្នុងចំណោមកីឡាករទាំង ៣០ នាក់សម្រាប់ក្រុមអាស៊ីរី អ៊ីតាលីដែលស្ថិតក្រោមការដឹកនាំរបស់គ្រូបង្វឹកលោក Cesar Prandelli សម្រាប់ព្រឹត្តិការណ៍បាល់ទាត់ពិភពលោកឆ្នាំ២០១៤ នៅប្រទេសប្រេស៊ីលខាងមុខនេះឡើយ ។ Osvaldo ប្រាប់គេហទំព័រ Sky Sport ថា គាត់ក៏ធ្លាប់ជាប់ជម្រើសជាតិរយៈពេល ២ ឆ្នាំផងដែរ ហើយគាត់មានចំណែក ធ្លាប់ជួយឲ្យក្រុមជម្រើសជាតិមួយនេះបានឡើងទៅកាន់ពានរង្វាន់ធំៗជាច្រើនផងដែរ ។
Osvaldo បន្តទៀតថា នេះជាពេលវេលាដ៏អាក្រក់សម្រាប់គាត់ បន្ទាប់ពីបានបង្ហាញខ្លួនជាលើកចុងក្រោយឲ្យអ៊ីតាលី ពេលប្រកួតជាលក្ខណៈមិត្តភាពជាមួយនឹងគោជល់អេស្ប៉ាញ ។ គួរបញ្ជាក់ថា Osvaldo ត្រូវបានមន្ត្រីសម្របសម្រួលរបស់ក្លិប Southampton ផ្អាកការប្រកួតចំនួន ២សប្ដាហ៍ ក្រោយពីមាន ជម្លោះជាមួយនឹងមិត្តរួមក្លិបគឺកីឡាករ Jose Fonte អំឡុងពេលហ្វឹកហាត់ ៕
