កំពង់ធំៈ ប្រជាពលរដ្ឋរស់នៅក្នុងស្រុកស្ទោង ខេត្តកំពង់ធំ មានការព្រួយបារម្ភណ៍ ចំពោះបញ្ហារដែលមានខ្វះខាតក្នុង ការប្រើប្រាស់ទឹក ដោយសារតែឆ្នាំនេះ សភាពកាសខុសប្លែកជាងឆ្នាំមុនៗ បណ្តាលឲ្យទឹកស្ទោងរីងខាស់ស្ងួតហួតហែង នៅតាមបឹងបួរ ត្រពាំងរីងអស់ បង្ករផលប៉ះពាល់ដល់មនុស្សសត្វរាប់ពាន់គ្រួសារ។
ឯឧ.អ៊ុត.សំអនអភិបាលខេត្តកំពង់ធំ បានចុះពិនិត្យបញ្ហាខ្វះខាត់ទឹកសំរាប់ប្រើប្រាស់ក្នុងរដូវប្រាំងហួតហែងរបស់ប្រជាពលរដ្ឋនៅទំនប់ទឹក៣០កញ្ញរហូតដល់តាមដងស្ទឹងស្ទោង ជាពិសេសក្នុងឃុំម្សារក្រង ស្វាសរ និងឃុំកំពង់ចិនត្បូង ដែលរស់នៅតាមបណ្តោយស្ទឹងស្ទោង គឺសុទ្ធតែប្រឈមនឹងការខ្វះខាតទឹកក្នុងការប្រើប្រាស់ប្រចាំថ្ងៃ ទើប ឯកឧត្តម អ៊ុន សំអន អភិបាលខេត្តកំពង់ធំ បានចុះទៅពិនិត្យមើលនៅម៉ាស៊ីន បូមទឹករបស់អង្គភាពរដ្ឋាករទឹកស្រុកស្ទោងដែលកំពុងបូមទឹកចេញពីទំនប់ទឹក៣០កញ្ញា ហើយបង្ហូរទំលាក់តាមប្រឡាយចូលមកស្ទឹងស្ទោងដើម្បីផ្គត់ផ្គង់ទឹកស្អាត់ទូទាំងស្រុកស្ទោង ក្នុងនោះឯ.ឧអភិបាលខេត្តបានជួយឧបត្ថម្ភនៅប្រេងម៉ាស៊ូតចំនួន៥០០លីត្រដល់អង្គភាពរដ្ឋាករ.ទឹកស្រុកស្ទោង.និង៥០០លីត្រទៀតដល់លោកស្រីមេឃុំព្រះដំរីដើម្បីបូមទឹកជូនប្រជាពលរដ្ឋក្នុងភូមិ និងបានបន្ថែមម៉ាស៊ីនបូមទឹក សម្រាប់បូមចូលស្ទឹងស្ទោងបន្ថែទៀត។
ប្រជាពលរដ្ឋបានសម្តែងនូវការអគុណ ដល់ឯកឧត្តម អ៊ុត សំអន អភិបាលខេត្តកំពង់ធំ ដែលមានការយកចិត្តទុកដាក់ មកលើប្រជាពលរដ្ឋ ដែលកំពុងតែជួបការលំបាក ក្នុងការខ្វះខាតទឹកប្រើប្រាស់ ទើបបានចុះជួយអន្តរាគមន៍បានទាន់ពេលវេលា ក្នុងចាត់ចែងបូមទឹកបង្ហូរចូលមកក្នុងស្ទឹងដើម្បីឲ្យប្រជាពលរដ្ឋប្រើប្រាស់ ។
ដោយ ប៊ុន រដ្ឋា
