ភ្នំពេញ៖ ជនសង្ស័យពីរនាក់ធ្វើសកម្មភាពឆក់កាបូបូពីនារីម្នាក់ពេលដែលរូបនាងជិះម៉ូតូឌុបចេញពីកន្លែងធ្វើការបំណងទៅរកទិញបានហូបនៅផ្សារចាស់ តែសំណាងអាក្រក់ពេលដែលធ្វើសកម្មភាពឆក់ម៉ូតូទាំងពីរគ្រឿងដួលគរលើគ្នា ផ្អើលប្រជាពលរដ្ឋចាប់ឃាត់ខ្លូនប្រគល់អោយសមត្ថកិច្ចប៉ុសិ៍្ដស្រះចក។
ហេតុការណ៍នេះបានកើតឡើងនៅវេលាម៉ោង២១និង០០នាទីយប់ថ្ងៃទី១៨ ខែមិនា ឆ្នាំ២០១៦ នៅចំណុចខាងមុខក្រុមហ៊ន ខាំមីនតែល ផ្លូវលេខ៨៨កែងនិងវីថីព្រះសីុសុវត្តិ ក្នុងសង្កាត់ ស្រះចក ខណ្ឌដូនពេញ រាជធានីភ្នំពេញ។
ជនសង្ស័យដែលសមត្ថកិច្ចឃាត់ខ្លួនមានឈ្មោះ ទី១ៈ ឈ្មោះ ឌុច សុផល់ ភេទប្រុស អាយុ២៨ឆ្នាំ មានមុខរបរជាកម្មករសំណង់ ស្នាក់នៅមិនពិតប្រាកដ ជាអ្នកឆក់។ ទី២ៈ ឈ្មោះ គិម សុផល់ ភេទប្រុស អាយុ ៣៧ឆ្នាំ មុខរបរជាអ្នករត់ម៉ូតូឌុប ស្នាក់នៅមិនពិតប្រាកដជអ្នកបើកម៉ូតូ។ ចំណែកជនរងគ្រោះមានឈ្មោះ ធី សារ៉េត ភេទស្រី អាយុ៣២ឆ្នាំ មានមុខរបរជានារីម៉ាស្ស៉ា ស្នាក់នៅផ្ទះលេខ6Cផ្លូវលេខ៨០ ភូមិ១៤ សង្កាត់ ស្រះចក ខណ្ឌដូនពេញរាជធានីភ្នំពេញ។
បើតាមការរៀបរាប់របស់ជនរងគ្រោះបានអោយដឹងថានៅមុនពេលកើតហេតុរូបនាងបានជិះម៉ូតូឌុបចេញពីកន្លែងធ្វើការនៅម្ដុំផែថ្ម បំណងទៅរកទិញបាយហូបនៅផ្សាចាស់។ ពេលដែលជិះមកដល់ចំណុចកើតហេតុ ស្រាប់តែមានជនសង្ស័យពីរនាក់ ជិះម៉ុតូមួយគ្រឿងម៉ាក វ៉េវ ពណ៌ខ្មៅ ពាក់ស្លាកលេខ កណ្តាល 1H-1375. ជិះមកជិតនិងធ្វើសកម្មភាពឆក់កាបូបពីនាងដោយជនសង្ស័យម្នាក់ដែលជិះខាងក្រោយជាអ្នកឆក់(ឌុច សុផល់)។
ជនរងគ្របានបន្តថា ពេលដែលជនសង្ស័យធ្វើសកម្មភាពឆក់កាបូបរូបនាងបានព្យាយាមទាញកាបូបមកវិញបណ្ដាលអោយម៉ូតូទាំងពីរគ្រឿងដួលគរលើគ្នា ហើយរូបនាងក៏ស្រែកបង្កអោយមានការភ្ញាក់ផ្អើលដល់ប្រជាពលរដ្ឋដែលនៅជិតកន្លែងកើតហេតុនាំគ្នាចាប់ឃាត់ខ្លួនជនសង្ស័យទាំងពីរនាក់ប្រគល់អោយសមត្ថកិច្ចតែម្ដង។
ក្រោយកើតហេតុសម្លាំងសមត្ថកិច្ចផ្នែកអន្តរាគមន៍បានចុះដល់កន្លែងកើតហេតុនិងបាននាំខ្លួនជនសង្ស័យទាំងពីរនាក់យកទៅសួនាំនៅប៉ុស្តិ៍រដ្ឋបាលនគរបាល ស្រះចក ដើម្បីចាត់ការតាមនិតិវិធីច្បាប់៕ជីម ភារ៉ា
