ភ្នំពេញ ៖ បុរស៤នាក់ដែលចូលមកកំសាន្តនៅហាងខារ៉ាអូខេឌីយ៉ាម៉ង់ហើយពេលចេញមកវិញផ្ទុះកំហឹងនិងនារីៗយ៉ាងខ្លាំងក៏មានការផ្ទុះអាវុធជាង១០គ្រាប់បណ្ដាលអោយមានមនុស្សរងរបួស២នាក់ក្នុងហេតុការណ៍ផ្ទុះអាវុធនេះ ហើយបុរស៤នាក់នេះព្យាយាមជិះម៉ូតូគេចខ្លួនក៏ត្រូវបានកងកម្លាំងអន្តរាគមន៍នៃខណ្ឌសែនសុខបានធ្វើការដេញតាមចាប់រហូតមកដល់ចំណុចផ្ទះលេខ៣៥តាមបណ្ដោយផ្លូវលេខ៣១៧ ក្នុងសង្កាត់បឹងកក់១ ខណ្ឌទួលគោក ក៏ខាងកម្លាំងកងអន្តរាគមន៍តាមទាន់ក៏ចាប់ឃាត់ខ្លួនបុរស៤នាក់នេះភ្លាមៗតែម្ដង។
ហេតុការណ៍ផ្ទុះអាវុធកើតឡើងខាងលើនេះកាលពីវេលាម៉ោង៣និង១០នាទីរំលងអាធ្រាត្រឈានចូលថ្ងៃទី១៩ខែឧសភាឆ្នាំ២០១៤ នៅចំណុចមុខហាងខារ៉ាអូខេ ឌីយ៉ាម៉ង់ តាមបណ្ដោយផ្លូវលេខ១០៨៦ ក្នុងសង្កាត់ភ្នំពេញថ្មី ខណ្ឌសែនសុខ។ យោងតាមសាក្សីដែលឃើញហេតុការណ៍ខាងលើនេះបានអោយដឹងថា គឺមានបុរស៤នាក់បានចូលមកកំសាន្តនៅហាងខារ៉ាអូខេឌីយ៉ាម៉ង់ មួយសន្ទុះប្រហែលជាជិត១ម៉ោងហើយពួកគេក៏បានចេញមកវិញក៏មានការផ្ទុះសារ៉ាយមួយបានកើតឡើងក៏បុរសម្នាក់ក្នុងចំនោម៤នាក់បានដក់កាំភ្លើងមួយដើមមិនស្គាល់ម៉ាក បាញ់រះជិត១០គ្រាប់ ក៏បណ្តាលឲ្យសន្តិសុខម្នាក់ រួមទាំងនារីម្នាក់រងរបួសផងដែរ ។
បន្ទាប់ពីមានការផ្ទុះអាវុធហើយបុរសទាំងបួននាក់នេះបានព្យាយាមគេចខ្លួន ពីកន្លែងកើតហេតុមកដល់ចំណុចមុខផ្ទះលេខ៣៥តាមបណ្ដោយផ្លូវលេខ៣១៧ ក្នុងសង្កាត់បឹងកក់១ ខណ្ឌទួលគោក ក៏ត្រូវបានខាងកម្លាំងកងអន្តរាគមន៍ខណ្ឌសែនសុខ តាមទាន់ក៏ធ្វើការសាកសួរ តែដោយបុរសដែលមានកាំភ្លើង យកកាំភ្លើងរបស់ខ្លួនគេដប់ចូលទៅក្នុងផ្ទះលេខ៣៥ របស់ប្រជាពលរដ្ធ ខណៈក៏សមត្ថកិច្ចធ្វើការឃាត់ខ្លួនបុរស៤នាក់នេះភ្លាមៗ តែម្តង ។ ហេតុការណ៏ខាងលើនេះសមត្ថកិច្ចនៅមិនទាន់អាចបញ្ចាក់ពីមូលហេតុរឿងខាងលើនេះឲ្យាបានច្បាស់នៅឡើយនោះទេ ព្រោះសមត្ថកិច្ចកំពុងឃុំខ្លួននិងសាកសួរបុរសបួននាក់នេះយកមកខណ្ឌសែខសុខដើម្បីធ្វើការទៅតាមផ្លូវច្បាប់ ៕
