កំពង់ធំៈ គ្រួសារទុរគត់ជនក្រីក្រលំបាក ជួបនិងខ្វះខាត ត្រូវបានឯកឧត្តម ឧត្តមសេនីយ៍ត្រី សោម ស៊ុន មេបញ្ជាការ តំបន់ប្រតិបត្តិការសឹករងកំពង់ធំ ព្រមទាំងប្រតិភូមិអមដំណើរ បានចុះសួរសុខទុក្ខគ្រួសារទីទាល់ក្រ ព្រមទាំងបាននាំ យកអំណោយចែកជូនដើម្បីជាការចែករំលែកនូវ ខណៈពេលដែលគ្រួសារនេះជួបការលំបាក កាលពីរសៀលថ្ងៃទី ២២ ខែមិនា ឆ្នាំ ២០១៦ ។
ទុរគត់ជនដែល បានទទួលអំណោយ ទី១ឈ្មោះ មី ហា អាយុ៥៣ឆ្នាំ ជាជនពិការភ្នែកទាំង២មើលផ្លូវពុំឃើញ និងលោកយាយ ចាប ចេង អាយុ ៨០ឆ្នាំ ចាស់ជរាគ្មានទីពឹង មានកូនប្រុសមួយពិការដៃមួយចំហ៊ាង អ្នកទាំង ពីរស់នៅក្នុងភូមិ ស្លាកែត ឃុំក្រវ៉ា ស្រុកបារាយណ៍ ខេត្តកំពង់ធំ បានទទួលអំណោយមាន អង្ករមួយបេ មី១កេស ទឹកស៊ីអ៊ីវ១យួរ ទឹកត្រី១យួរ ទឹកសុទ្ធ២យួរ និងថវិការ ក្នុងម្នាក់១៥ម៉ឺនរៀល សម្រាប់ជួយដោះស្រាយជីវភាពបណ្តោះអាសន្ន ។
ឧត្តមសេនីយ៍ត្រី សោម ស៊ុន បានមានប្រសាសន៍ថា ក្រៅពីការងារស្នូលរបស់អង្គភាព គឺឆ្លៀតឳកាសជាមួយ និងក្រុមការងារចុះសួរសុខទុក្ខ អតីតយុទ្ធជនកម្ពុជា ដែលរស់នៅក្នុងស្រុកក្រុង ក្នុងខេត្តកំពង់ធំ តាមការ ណែនាំរបស់សម្តេចប្រធាន ដើម្បីស្រាវជ្រាវនិងធ្វើបច្ចុប្បន្នភាព ព្រមទាំងជម្រុញឲ្យអតីតយុទ្ធជន ចូលមកក្នុងសមាគមទាំងអស់ក្នុងរយះពេល៣ខែនេះ តាផែនការ មិនតែប៉ុណ្ណោះនិងបាននាំយកនូវថវិការ និងអំណោយចែកជូនគ្រួសារអតីតយុទ្ធជន សម្រាប់ការឧបត្ដម្ភក៏ដូចជាការក្រើនរំលឹកគ្រាអនុស្សាវរីយ៍កន្លងមក ។
