ភ្នំពេញ៖មនុស្សម្នាជាច្រើននាក់បង្កការភ្ញាក់ផ្អើលមកចោម រោមមើលសមត្ថកិច្ចមូដ្ឋានជ្រោយចង្វារកំពុងដុតដៃដុតជើងស្វែងរកសាកសពសិស្សវិទ្យាល័យព្រែកលៀបម្នាក់ ដែលបានចុះទៅលេងមាត់ទឹកជាមួយមិត្តភ័ក្ដ្រស្រី៣នាក់ទៀត ស្រាប់តែត្រូវធ្លាក់លង់និងបាត់សាកសពរក
ពុំទាន់ឃើញ ។
ហេតុការណ៍ខាងលើបានកើតឡើងនៅវេលាម៉ោង០៣និង៣០នាទីរសៀលថ្ងៃទី ២៣ ខែ មិនា ឆ្នាំ ២០១៦ ត្រង់ចំណុចមាត់ទន្លេក្បែរវត្តបាក់ខែង ស្ថិតក្នុងភូមិបាក់ខែង សង្កាត់ព្រែកលៀប ខណ្ឌជ្រោយចង្វារ។ជនរងគ្រោះដែលលង់ទឹកមានឈ្មោះអែល ភក្ដី ភេទប្រុស ជាសិស្សរៀននៅវិទ្យាល័យព្រែកលៀបថ្នាក់ទី៨C១ និងមានទីលំនៅ ស្ថិតក្នុងភូមិខ្ទរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ប្រភពដែលមានបានទម្លាយថា មុនកើតហេតុ ជនរងគ្រោះជាសិស្សវិទ្យាល័ព្រែកលៀបរួម
ជាមួយនិងមិត្តភ័ក្ដ្រស្រី៣នាក់ទៀតបានចុះទៅមាត់កំពង់លេងក្នុងគោលបំណងលាងដៃជើងទាំងអស់គ្នាខណៈនោះមិត្តភ័ក្ដ្រស្រីទាំង៣នាក់បានឡើងមកខាងលើមុនរួចមួយសន្ទុះដោយក្រឡេកមើលមកក្រោយស្រាប់បាត់ខ្លួនជនរងគ្រោះតែម្ដងដោយសង្ស័យថាជនរងគ្រោះបានធ្លាក់ទឹកលង់ស្លាប់ ។បច្ចុប្បន្នសមត្ថកិច្ចមូលដ្ឋានខណ្ឌជ្រោយចង្វាររួមទាំងក្រុមគ្រួសាររបស់ជនរងគ្រោះកំពុងបន្តដុតដៃដុតជើងស្វែងរកសាកសពជនរងគ្រោះដែលបានលង់ទឹកលិចស្លាប់ដោយមិនដឹងថាអណ្ដែតទៅដល់ទីណាទេ ៕ហាស់ កំសាន្ដ
