ភ្នំពេញ ឯ.ឧ តឹករ៉េត សំរេច រដ្ឋលេខាធិការទីស្តីការគណ:រដ្ឋមន្ត្រី តំណាងឯ ឧ បណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈ បានអនុញ្ញាតិអោយ លោក Katsuichi Yabunaka នាយកកិច្ចការអន្តរជាតិ នៃផ្នែកផែនការ និងសាងសង់អាកាសយានដ្ឋាន របស់ក្រសួងដែនដីហេដ្ឋារចនាសម្ព័ន្ធ ដឹកជញ្ជូន និងទេសចរណ៍ ជប៉ុន ចូលជួបពិភាគ្សាការងារ នៅវិមានមិត្តភាព នៃទីស្តីការគណៈរដ្ឋមន្ត្រី កាលពីថ្ងៃទី២៣ ខែមិនា ឆ្នាំ២០១៦ ។
នៅក្នុងជំនួបនេះដែរ លោក Katsuichi Yabunaka បានលើកឡើងពីបញ្ហាទាក់ទងនឹងព្រលានយបន្តហោះអន្តរជាតិទាំង២របស់កម្ពុជាគឺព្រលានអន្តរជាតិភ្នំពេញ និងខេត្ត សៀមរាប ដែលតូចហើយចង្អៀត តើរដ្ឋាភិបាលមានគំរោងពង្រីក ឬក៏រកទីតាំងណាដែលមានទំហំធំ ហើយសមស្របនោះ ពីព្រោះថាក្នុងពេលឆាប់ៗខាងមុខនេះក្រុមហ៊ុនអាកាសចរណ៍ អាណារ៉ូ ប៉ុង Air Way របស់ជប៉ុននឹងធ្វើការហោះត្រង់មកកម្ពុជា ហើយការហោះហើរត្រង់នេះអាចនាំអ្នកវិនិយោគជប៉ុន ភ្ញៀវទេសរចណ៍ មកកាន់កម្ពុជាកានតែច្រើនជាពិសេសប្រាសាទអង្គរវត្តផ្ទាល់តែម្តង ។
ជាការឆ្លើយតប ឯ.ឧ តឹករ៉េត សំរេច រដ្ឋលេខាធិការទីស្តីការគណ:រដ្ឋមន្ត្រី បានមានប្រសាសន៍ថា ព្រលានយន្តហោះទាំង២ របស់កម្ពុជាគឺជាព្រលានចាស់ និងអនុវត្តន៍គំរោងនៅលើទីតាំងចាស់ ដែលគំរោងពង្រីកនេះចាប់ផ្តើមក្រោយឆ្នាំ១៩៩៥ មកម្ល៉េះ ដោយស្ថានភាពពេលនោះគឺឆ្ងាយ ហើយក៏ទូលាយដែរ ប៉ុន្តែឆ្នាំចុងក្រោយនេះដោយកម្ពុជាមានការរីកចំរើនឥតឈប់ឈក្រោមគោលនយោបាយឈ្នះៗ របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានធ្វើអោយទីតាំង២ ទាំងនេះប្រើក្លាយរូបរាងយ៉ាងឆាប់រហ័សពីទូលាយមកចង្អៀត ជាពិសេសព្រលាន្តយន្តហោះភ្នំពេញតែម្តង គឺក្លាយទៅជាទីក្រុង ដោយមានផ្ទះហ៊ំព័ទ្ធជិត ដូច្នេះហើយធ្វើអោយមានការលំបាក ប៉ុន្តែទោះបីជាយ៉ាងណា រដ្ឋាភិបាលបានជំរុញអោយក្រុមហ៊ុន សម្បទានិក មកធ្វើការវិនិយោគពង្រីកស្ថានីយ៍អ្នកដំណើរ បន្ថែមទៀត ដែលអាចអោយស្ថានីយ៍ថ្មីនេះទទួលភ្ញៀវបានពី ៥ទៅ៦ លាននាក់ក្នុងមួយឆ្នាំៗ កត្តានេះធ្វើព្រលានយើងដោះស្រាយការកកស្ទះពីពេលនេះទៅ៥ឆ្នាំខាងមុខទៀត ។ ឯ ឧ បន្តទៀតថា ដោយកម្ពុជាមានសុខសន្តិភាព ធ្វើអោយយើងមានកិច្ចសហប្រត្តិបតិការណ៍ល្អ ជាមួយអ្នកវិនិយោគ ធ្វើការអភិវឌ្ឍន៍កែសំរួលប្លង់បច្ចេកទេសក្នុងព្រលាន ហើយអាចដោះស្រាយការកកស្ទះបាន ជាមួយគ្នានេះរដ្ឋាភិបាលក៏បានរៀបចំផ្ទេរព្រលានទៅកន្លែងផ្សេងមួយទៀតដោយយើងរងចាំពេលវេលាដែលសមស្របហើយជាក់លាក់ អោយសមទៅនឹងការរីកចំរើនលើគ្រប់វិស័យរបស់កម្ពុជានាពេលបច្ចុប្បន្ន៊។
