មណ្ឌលគិរីក្នុងនាមជាគ្រូពេទ្យរបស់រាជរដ្ឋាភិបាលនិងក្នុងនាមជាអ្នកផ្តល់សេវាសុខាភិបាលជូនប្រជាពល រដ្ឋត្រូវធ្វើយ៉ាងណាសហការជាមួយអង្គការដៃគូរឲ្យបានល្អប្រសើរ ដើម្បីផ្តល់សេវាព្យាបាល ជម្ងឺជូនប្រជាពលរដ្ឋនៅតាមមូលឲ្យបានទាន់ពេលវេលា នេះបើតាមប្រសាសន៍ របស់លោក ចឹង សុចន្ថា អភិបាលរងខេត្តមណ្ឌលគិរី ថ្លែងនៅក្នុងពិធីបិទសិក្ខាសាលា ស្តីពីការ ពិនិត្យលទ្ធ ផលប្រចាំឆ្នាំ២០១៥និងលើទិសដៅឆ្នាំ២០១៦នៅសាលប្រជុំផ្ទះសំណាក់សុខជាវ នៅរសៀល ថ្ងៃទី២៣ខែមិនាឆ្នាំ២០១៦នេះ ។
លោកអភិបាលរងខេត្តបានមានប្រមានប្រសាសន៍បន្តទៀតថា ប្រមុខរាជរដ្ឋាភិបាល បាននឹង កំពុងយកចិត្តទុកដាក់ខ្ពស់ទៅលើវិស័យសុខាភិបាល ដើម្បីលើកកម្ពស់នូវសុខុមាលភាពជូន ប្រជាពលរដ្ឋទូទាំងព្រះរាជាណាចក្រកម្ពុជា។ដូចនេះមន្ទីរសុខាភិបាលខេត្តមណ្ឌលគិរីត្រូវធ្វើយ៉ាងណាស្វែងយល់ពីភូមសាស្ត្រ ក៏ដូចជានៅតាមតំបន់មូលដ្ឋានដែលពុំមានគ្រូពេទ្យ ត្រូវ ពង្រាយគ្រូពេទ្យទៅដល់មូលដ្ឋានទាំងនោះ ក្នុងការផ្តល់សេវាព្យាបាល ដើម្បីសុខ ភាពរបស់ប្រជាពលរដ្ឋ ព្រមទាំងពង្រឹងនៅកិច្ចសហការជាមួយប្រទេសភាគីមិត្ត ក្នុងការផ្តល់ សេវាការព្យាបាលជម្ងឺជូនប្រជាពលរដ្ឋដែលរស់នៅតាមខ្សែបន្ទាត់ព្រំដែន។
ប្រធានមន្ទីរសុខាភិបាលខេត្តមណ្ឌលគិរី លោក ប៊ុន សួរ បានមានប្រសាសន៍ថា វគ្គសិក្ខាសាលារយះពេល២ថ្ងៃនេះ សិក្ខាកាមបានពិភាក្សាផ្តោទៅលើ ការពង្រឹងគុណភាពសេវា បង្កើនការប្រើប្រាស់ សេវា និងឥរិយាបថរបស់បុគ្គលិក ហើយការពិភាក្សានេះគឺទទួលបានគន្លឹះល្អៗជាច្រើន សម្រាប់ផ្តល់សេវាសុខាភិបាលជូនប្រជាពលរដ្ឋទូទាំងខេត្តមណ្ឌលគិរី៕ដោយប៊ូស្រា
